Монгол, Хятадын эрдэмтэд эрдэс баяжуулах судалгаан дээр хамтран ажиллана

Л.Батцэнгэл / Технологи

Монгол Улс-БНХАУ-ын хамтарсан “Эрдэс түүхий эдийн боловсруулалтын лаборатори” ШУА-ийн Хими, химийн технологийн хүрээлэн дээр байгуулагдлаа. Энэ лабораторийг БНХАУ-ын ӨМӨЗО-ы санхүүгийн дэмжлэгтэйгээр байгуулж байгаа бөгөөд Хөх хотын Металлургийн хүрээлэн, ШУА-ийн Хими, химийн технологийн хүрээлэнгийн эрдэмтэн судлаачид хамтран судалгааны ажил хийх юм байна. Тус лаборатори хүдрийг буталж нунтаглахаас эхлээд, олон төрлийн аргаар баяжуулах, уусгах технологийн туршилт, судалгаа хийх иж бүрэн багаж, тоног төхөөрөмжөөр тоноглогджээ. Эрдэс түүхий эдийн боловсруулалтын хамтарсан лаборатори байгуулагдсанаар алт, мөнгө, зэс, төмөр, газрын ховор элемент, нүүрс гэх мэт монгол орны эрдэс түүхий эдийг баяжуулах, боловсруулах судалгааг эх орондоо цогцоор нь хийх юм.

image

Түүнчлэн гадаад улс оронд өндөр зардлаар хийлгэдэг технологи туршилтыг Монголд хоёр орны өндөр мэргэшсэн мэргэжилтнүүд хамтран гүйцэтгэнэ. Өөрөөр хэлбэл, хил гаалиар дээж гаргахаас эхлээд үүсдэг бэрхшээл, хүндрэл алга болж байгаа юм. Уг лабораторийн нээлтэд БНХАУ-ын талаас Шинжлэх ухаан, технологийн яам, ӨМӨЗО-ны Шинжлэх ухаан, технологийн тэнхим, Хөххотын Металлургийн хүрээлэн, Монголын талаас БСШУСЯ, ШУА, Хими, химийн технологийн хүрээлэнгийн төлөөлөл оролцлоо. Нээлтэд БНХАУ-ын Шинжлэх ухаан, технологийн яамны Олон улсын хамтын ажиллагааны газрын дарга Руан Шианг Пинг, Монгол улсын БСШУСЯ-ны Шинжлэх ухаан, технологийн бодлогын газрын дарга Ж.Мөнхбат бусад албаны хүмүүс оролцлоо.

image


Сэтгэгдэл

Зочин [75.58.231.100] 2019-10-24 02:47:46

Өөр хамсаатан олдоогүй юм байхдаа.

zochin [122.201.22.233] 2019-10-23 20:19:58

харин тиймээ. Тэдний алхамыг гүйцэж алхаж эх орныхоо эрх ашгийг хамгаалах хэцүү дээ..

Зочин [103.229.120.213] 2019-10-23 19:29:01

ийм юм хийдэг ч буруу даа.зөвхөн багажийг нь ав


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.