Мэргэжлийн хяналтын ерөнхий газраас 2019 аравдугаар сарын 28-ны өдрийн ирүүлсэн албан бичгийн дагуу Сонгинохайрхан есдүгээр хороо малчны гудамжинд байрлах “Хөвсгөл их тайга” ХХК-ийн 2018 оны есдүгээр сарын 16, 23-26-ны өдрүүдэд үйлдвэрлэсэн зургаан нэр төрлийн цайнд хөгц, мөөгөнцөр /aspergillus болон penicillium/ зөвшөөрөгдөх хэмжээнээс хэтэрсэн болон шинжилгээний дүнг засварласан тухай мэдээллийн дагуу хяналт шалгалт хийлээ. “Хөвсгөл их тайга” ХХК-ийн түүхий эд, бүтээгдэхүүнээс дээж авч ХАБҮЛЛ-ийн шинжилгээнд хамруулж, тус он, сар, өдөр бичигдсэн зургаан нэр төрлийн бүтээгдэхүүнийг худалдаа үйлчилгээний газруудаас буцаан татан авалт хийлгүүлж зөрчлийн хэрэг нээж зөрчил шалган шийдвэрлэх ажиллагаа явагдаж байна.