УИХ-ын гишүүн Х. Болорчулуун: Оюутолгой Эрдэнэтээс тав зургаа дахин том. Том ордноосоо ашиг хүртэж чадахгүй. Ашиглуулсныхаа төлөө өрөнд орох байдалтай болчихоод байж байна. Энэ асуудалд монгол хүн бүхэн харамсахаар муухай гэрээ болсон. Оюутолгойн гэрээ 2009 оны аравдугаар сарын 6-нд байгуулагдсан. 40 хоногийн өмнө алдагдлыг ирээдүйд шилжих нэрээр аж ахуй нэгжийн татварын хуулинд өөрчлөлт оруулж, Монголын талыг хохироочихсон. 2020 оноос ашиг хүртэх байтал 2041 оноос ашиг хүртэхээр болгочихсон. Бид хэзээ ч ашиг хүртэхгүй. 2019 оны нэгдүгээр сарын 8-нд Ашигт малтмалын тухай хуулинд өөрчлөлт оруулсан. Энэ хамгийн хохиролтой 34 хувиа үнэгүй авах байтал Ашигт малтмалын тухайн хуульд өөрчлөлт оруулснаар Монгол Улс үнэтэй авч, тэр мөнгөө гаргаж чадахгүй зээлийн хүү төлөөд явж байна. Үүнийг хэн хийсэн бэ. Тухайн үеийн эх баригчид хийсэн. Тухайн үед Хууль зүйн сайд Ц.Нямдорж байсан. Энэ хүн өнөөдөр Оюутолгойн гэрээг хамгаалаад гараад ирж байна. Арван жилийн дараа ахиад Хууль зүйн сайд болчихоод хамгаалаад хашгирч байна. Ингэж Монгол Улсын хуулийг муухайгаар зассан. Өнөөдөр хэдэн хүн нийгмийн даатгал төлж байгаа вэ. Нэг удаа бүтээгдэхүүн нийлүүлсэн компаниудаа тоонд оруулж бүртгээд явж байна. Дубайн гэрээг хэзээ ч хүлээн зөвшөөрч болохгүй. 4.4 тэрбум ам.доллараар Оюутолгойн гэрээ хийгдэж явагдана. Үүнээс 1.5 тэрбум ам доллар бүтээн байгуулалт болчихсон. Дубайн гэрээгээр буюу 5.3 тэрбумыг нэмэгдүүлээд 6 тэрбум ам.доллар болгочихсон. Мөн Дубайн гэрээгээр 2013 оны Засгийн газрын шалгалтын ажлын хэсгээр 3.1 тэрбум ам.долларын санхүүгийн зөрчил илэрсэн. Үүнээс 1.1 тэрбум ам.доллар ямар ч баримтгүй зардал байсан. Үүнийг тохиролцоогоор хаачихсан байдаг.