Германы дорно хэсэгт орших Дрезден хотын музейгээс 16 дугаар зууны үед хамаарах очир эрдэнийн гурван ширхэг үзмэр хулгайд алдагджээ.

Хулгайчид эрчим хүчийг тасалж улмаар шилэн хоргыг хагалан төмөр хайрцагт хийн гарч одсон байна. Түүнчлэн цахилгаан таслахаас өмнө дохиолол хамгаалалтын системийг нь ажиллагаагүй болгосон байжээ.

Хяналтын камерын бичлэгт олигтой дүрс бичигдэж үлдээгүй тул чухам ямар этгээд байсныг танихад маш хэцүү байгаа аж. Дрезден хотын цагдаагийн газар музейн ажилтнуудыг уг дээрэмд хамтран оролцсон байж болзошгүй гэж сэжиглэн байцаалт авч эхэлжээ. Музейгээс тун холгүй хулгайчдын сууж явсан байж болзошгүй автомашиныг илрүүлсэн байна.

Музейн удирдлагуудын хэлж буйгаар хулгайд алдагдсан гурван ширхэг очир эрдэнийн үнэлгээ нэг тэрбум еврогоор хэмжигдэх аж.