ЦССҮТ ээлжит магадлах аудитаар дахин өндөр үнэлгээ авлаа

Aдмин / Эрүүл мэнд

ISO 9001-Чанарын менежментийн тогтолцоо, ISO 15189-Эрүүл мэндийн лаборатори чанар ба чадавхид тавигдах шаардлага, OHSAS 18001-Хөдөлмөрийн эрүүл мэнд, аюулгүй байдлын удирдлагын тогтолцоо гэсэн Олон улсын гурван стандартыг хэрэгжүүлсэн эрүүл мэндийн салбарын анхны байгууллага бол Цус сэлбэлт судлалын үндэсний төв /ЦССҮТ/.


Цус цуглуулахаас эхлээд шинжилгээ, үйлдвэрлэл, цус, цусан бүтээгдэхүүнийг эмнэлгүүдэд олгох хүртэлх бүхий л үйл ажиллагаа нь Олон улсын чанарын стандартыг хангасан билээ. Амжилтаа үргэлжлүүлэн, сайжруулах үйл явц одоо ч үргэлжилсээр байна.

ЦССҮТ Олон улсын стандартуудыг үндэсний болон гадаадын байгууллагаар баталгаажуулан нэвтрүүлсэн нь үйл ажиллагаагаа дэлхийн түвшинд хүргэх зорилго, зорилтоо үе шаттайгаар хангасны илэрхийлэл юм. Нэг ёсондоо чанарын стандартыг нэвтрүүлээд орхих биш, уг амжилтаа тогтвортой хадгалж, байнга сайжруулан ажиллаж байна. Тухайлбал, 2017 онд Монгол Улсын “SFCS” аудитын компаниар аудит хийлгэж 3 жилийн хугацаатай баталгаажуулалтын гэрчилгээгээ авсан бөгөөд тус компанийн төлөөлөл жил бүр ирж магадлах аудит хийдэг юм. Энэ оны ээлжит магадлах аудитын үнэлгээ 2019 оны 11 дүгээр сарын 29-нд болж амжилттай өндөрлөлөө.


“SFCS” компанийн тэргүүлэх аудитор Н.Наранболд ээлжит магадлах аудит хийж дууссаны дараа дүгнэж хэлэхдээ амжилтаа бататган, үйл ажиллагаагаа сайжруулсаар байгаа хамт олонд баяр хүргэсэн юм.

Чанар гэдэг нь байнга сайжруулж байх зүй тогтолтой бодит үнэлэгдэхүүн. бас хэмжигдэхүүн. Энэхүү шаардлагыг ЦССҮТ-ийн хөдөлмөрч, зорилготой, давшингуй удирдлага, хамт олон бүрэн хангаж ажиллаж байгааг ээлжит магадлах аудит нотоллоо. Ийнхүү ЦССҮТ Олон улсын болон үндэсний стандартуудыг нэвтрүүлэн, тасралтгүй сайжруулсаар байна.

Эх сурвалж: Эрүүл мэндийн яам


Сэтгэгдэл

хаана байдаг юм бэ [103.57.92.224] 2019-12-03 10:15:55

энэ тов хаана байдаг юм бэ

Зочин [103.229.122.5] 2019-12-02 20:04:08

mundag


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.