“Т.Аюурсайхан Чингэлтэй дүүргийн МАН-ын дарга болохын тулд өнгөрсөн амралтын өдрүүдэд дүүргийн намын хороог хуралдуулсан байна. "Хор"-оо хангалттай найруулсан гэж дээдүүлдээ мэдэгдэж, өөртөө итгэлтэй орсон тэрбээр намын хорооны 89 гишүүндээ хөөгдөөд буцсан онигооны эзэн болжээ” гэсэн мэдээлэл өнөөдөр хэвлэл мэдээллийн хэрэгслээр явсан. Гэвч үнэхээр УИХ-ын гишүүн Т.Аюурсайхан өнөөдөр Чингэлтэй дүүргийн МАН-ын хороон даргаар сонгогджээ. Тэрбээр өрсөлдөгчгүйгээр ганцаараа нэр дэвшээд дүүргийн намын хороон дарга болсон байна. Түүнийг ийнхүү Чингэлтэй дүүргийн МАН-ын хороог удирдаж эхлэхтэй холбоотойгоор тус дүүргийн Засаг даргын суудлын асуудал ч мөн яригдаж эхлээд байна.