Нийслэлийн Эрүүл мэндийн газрын дарга Л.Төмөрбаатар байгуулагынхаа нүүр хуудсаар дамжуулан ард иргэдэд зөвлөмж хүргэсэн байна. Тэр зөвлөмжид "Сар шинийн амралтын өдрүүдэд эрүүл мэндийн байгууллага, эмч, эмнэлгийн мэргэжилтнүүд маань холбогдох бүхий л арга хэмжээг авч хэрэгжүүлэн, өндөржүүлсэн бэлэн байдалд ажиллаж байна. Нийслэлийн шалган нэвтрүүлэх цэгүүд дээр эрүүл мэндийн хяналт хийж, зөвлөмж тараан ажиллаж байгаа. Иргэд та бүхэн онцгой байдлын үед ажиллаж байгаа эмч, мэргэжилтнүүдийнхээ зөвлөмж, мэдээллийг заавал дагаж биелүүлээрэй. Өөрийн болон гэр бүл, ахмад настнууд, ойр дотны хүмүүсийнхээ эрүүл мэнд, аюулгүй байдлын төлөө иргэн бүр хариуцлагаа ухамсарлан гэр гэртээ шинэлж, цахимаар золгоорой. Халдвараас хамтдаа сэргийлье. Таны эрүүл мэнд таны гарт" гэжээ.