3 хоногийн дотор зам тээврийн ослоор 4 хүн амиа алджээ

Aдмин / Хууль

Наймдугаар сарын 10-13-нд гарсан зам тээврийн ослын улмаас 16 хүн гэмтэж, дөрвөн хүн амиа алджээ. Гэмтэж бэртсэн хүмүүсийн гурав нь бага насны хүүхэд байжээ. Амь насаа алдсан дөрвөн хүний хоёр нь нийслэлд, хоёр нь орон нутагт бүртгэгджээ.
Ослоос дурдвал:
Увс аймгийн Улаангом сумын 6-р баг “Арын дөрвөн зам” гэх газар засмал замд 8 дугаар сарын 10-ны 09.45 цагийн орчим “Мустанг-5” маркийн мотоциклын жолооч У нь явган зорчигчийг мөргөхдөө онхолдож амиа алдсан.
СХД-ийн 17 дугаар хорооны 32-р байрны урд явган хүний гарцан дээр энэ сарын 12-ны 4.25 цагийн орчимд марк, улсын дугаар нь тодорхойгүй автомашины жолооч явган зорчигчийг мөргөж амь насыг нь хохироожээ.
БГД-ийн нутаг дэвсгэр дэх ТБД андуудын урд замд энэ сарын 12-ны 04.00 цагийн үед “Toyota Allion” маркийн автомашины жолооч Д нь явган зорчигч 44 настай О-г мөргөж амь насыг нь хохироосон байна.
Өмнөговь аймгийн Даланзадгад сумын “Морь бариа” гэх газарт энэ сарын 12-ны 10.20 цагийн орчимд “Toyota Fielder” автомашины жолооч Б нь замын хажуугийн шон мөргөсний улмаас амиа алджээ.
Явган хүний гарц, уулзварт явган зорчигчид зам тавьж өгөөгүй 412 жолоочид Зөрчлийн тухай хуулийн 14.7.38-д заасны дагуу арга хэмжээ тооцжээ.
Түүнчлэн согтуугаар тээврийн хэрэгсэл жолоодсон 102 жолоочийг илрүүлж, жолоо барих эрхгүй хэдий ч согтуугаар тээврийн хэрэгсэл жолоодсон 11 хүнийг баривчилж хуулийн дагуу хариуцлага тооцсон байна.


Сэтгэгдэл

Иргэн [103.212.119.72] 2020-08-15 13:34:12

Иргэд минь өөрсдийгөө эрдэхээс хамгаалж яв.алийн болгон та нарийг замын цагдаа зохицуулж явах уу.болгоомжтой явцагаа.!!!!!!!!!!!яараад яахав.!!!!!!!!!одоо бүр цагдөаруу буруу чихээд яараьдээ.Согтуу бүү машин барь!!!!!!!!!саакаа дар!!!!!онгирохоо боль!!!!!!"""тайван өөртөө өрөөлд хайртай бай.тайван амагаланамьдраач!!!!!!!!!!

Зочин [182.160.35.166] 2020-08-15 08:18:27

Замын цагдаагийн газар маш муу ажиллаж байна

иргэн [43.228.130.153] 2020-08-14 17:28:08

Согтуу болон согтууруулах ундаа /айраг/ хэрэглэсэн жолоочийн эрхийг дахин сэргээхгүйгээр эрхийг нь хас. урьд нь эрхээ хасуулж байсан жолооч ахиад л үнэртүүлээд л бөөн эрч хүч машинаа бариад л байх юм бна лээ


3 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
3 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.