ЗГХЭГ-ын дарга Л.Оюун-Эрдэнэ Засгийн газрын 2020-2024 оны үйл ажиллагааны хөтөлбөрийн төслийг өргөн барилаа

Aдмин / Хууль

Монгол Улсын сайд, Засгийн газрын Хэрэг эрхлэх газрын дарга Л.Оюун-Эрдэнэ өнөөдөр (2020.08.14) “Монгол Улсын Засгийн газрын 2020-2024 оны үйл ажиллагааны хөтөлбөр батлах тухай” болон “Монгол Улсыг 2021-2025 онд хөгжүүлэх таван жилийн үндсэн чиглэлийг батлах тухай” Улсын Их Хурлын тогтоолын төслүүдийг Улсын Их Хурлын дарга Г.Занданшатарт өргөн мэдүүллээ.

“Монгол Улсын Засгийн газрын 2020-2024 оны үйл ажиллагааны хөтөлбөр батлах тухай” УИХ-ын тогтоолын төсөл

Засгийн газраас 2020 оны 07 дугаар сарын 16-ны өдрийн 9 дүгээр тогтоолоор Засгийн газрын 2020-2024 оны үйл ажиллагааны мөрийн хөтөлбөр, түүнийг хэрэгжүүлэх арга хэмжээний төлөвлөгөөний төслийг боловсруулах үүрэг бүхий Ажлын хэсгийг байгуулсан юм.

Ажлын хэсэг Монгол Улсын үндэсний аюулгүй байдлын үзэл баримтлал, “Алсын хараа-2050” урт хугацааны хөгжлийн бодлого, Монгол Улсыг 2021-2025 онд хөгжүүлэх таван жилийн үндсэн чиглэлийн төсөлд нийцүүлэн төрийн болон төрийн бус байгууллага, мэргэжлийн холбоод, хувийн хэвшил, эрдэм шинжилгээний байгууллагуудаас санал авч энэхүү төслийг боловсруулсан байна.

Уг үйл ажиллагааны хөтөлбөрийг 6 бүлгээс бүрдэхээр тусгасан бөгөөд хэрэгжүүлэх зорилт, арга хэмжээний бодлогын чиглэлийг нарийвчлан заасан. Тухайлбал,

1.Ковид-19 халдварт цар тахлаас үүдэлтэй нийгэм, эдийн засгийн хүндрэлийг даван туулах бодлого

Дэлхий нийтийг хамарсан цар тахлаас үүдэлтэй нийгэм, эдийн засгийн хүндрэлийг богино хугацаанд даван туулах онцгой бодлого хэрэгжүүлнэ.

2.Хүний хөгжлийн бодлого

Эрүүл мэнд, соёл, боловсрол, хөдөлмөр эрхлэлт, нийгмийн хамгааллын оновчтой бодлого хэрэгжүүлж, иргэдийн амьдралын чанарыг дээшлүүлэн дундаж давхаргыг тэлнэ. Иргэн бүр эрүүл, боловсролтой, ажилтай, орлоготой байх нөхцөлийг бүрдүүлэн ажилгүйдэл, ядуурлыг бууруулан, иргэдийнхээ амьжиргааг сайжруулах зорилт, арга хэмжээг төлөвлөсөн.

3.Эдийн засгийн бодлого

Макро эдийн засгийн орчныг бэхжүүлэх, эдийн засгийн хүндрэлийг дунд хугацаанд даван туулах, тогтвортой өсөлтийг хангах болон эдийн засгийн тэргүүлэх ач холбогдолтой салбаруудыг хөгжүүлэх гэсэн хоёр дэд хэсэг бүхий зорилтот арга хэмжээг тусгасан.

4.Ногоон хөгжлийн бодлого

Байгалийн баялгийг зүй зохистой ашиглаж, хүрээлэн буй орчны бохирдол, доройтлыг бууруулан, иргэдийн эрүүл орчинд амьдрах нөхцөлийг бүрдүүлэх ногоон хөгжлийн бодлогыг хэрэгжүүлнэ.

5.Засаглалын бодлого

Шударга ёсыг бэхжүүлж, төрийн албаны бүх шатанд сахилга хариуцлага, дэг журмыг тогтоон, хүнд суртлыг арилгаж, хууль алагчлалгүй хэрэгждэг байх зарчмыг мөрдүүлнэ. Иргэдэд төрийн үйлчилгээг шуурхай, хүнд сурталгүй хүргэх “Цахим Монгол” хөтөлбөрийг хэрэгжүүлнэ.

6.Нийслэл ба бүс, орон нутгийн хөгжлийн бодлого

Бүс, орон нутгийн хөгжлийг дэмжиж, дэд бүтцийг сайжруулан, Улаанбаатар болон дагуул хотыг орон зайн оновчтой төлөвлөлт, ухаалаг шийдэл бүхий хот болгоно.

Засгийн газрын үйл ажиллагааны хөтөлбөр нь эдийн засгийн төрөлжилтийг сайжруулж, тэргүүлэх салбаруудыг бодлогоор дэмжин хөгжүүлэх, экспортын өсөлтийг хангах, нэмүү өртөг шингэсэн үйлдвэржилтийн бодлого урт хугацаанд тогтвортой барих суурь зарчимд тулгуурлажээ.

“Монгол Улсыг 2021-2025 онд хөгжүүлэх таван жилийн үндсэн чиглэлийг батлах тухай ” Улсын Их Хурлын тогтоолын төсөл

Монгол Улсыг 2021-2025 онд хөгжүүлэх таван жилийн үндсэн чиглэлийг “Алсын хараа 2050” Монгол Улсын урт хугацааны хөгжлийн бодлогод нийцүүлэн, төрийн захиргааны төв байгууллага, мэргэжлийн холбоод, хувийн хэвшлийн хуулийн этгээдийн саналыг үндэслэн боловсруулсан гэдгийг ЗГХЭГ-ын дарга Л.Оюун-Эрдэнэ онцоллоо.

“Монгол Улсыг 2021-2025 онд хөгжүүлэх таван жилийн үндсэн чиглэл” нь Үндэсний нэгдмэл үнэт зүйл, Хүний хөгжил, Амьдралын чанар ба дундаж давхарга, Эдийн засаг, Засаглал, Ногоон хөгжил, Амар тайван, аюулгүй нийгэм, Бүс нутгийн хөгжил, Улаанбаатар ба дагуул хот гэсэн 9 бүлэгтэй.

Энэ тогтоолын төсөл батлагдсанаар Монгол Улсын дунд хугацааны хөгжлийн тэргүүлэх зорилт, үйл ажиллагаа тодорхой болж урт хугацааны хөгжлийн бодлогыг хэрэгжүүлэх бодитой нөхцөл байдал бий болно. Дунд хугацааны зорилтууд хэрэгжсэнээр ард иргэдэд нийгмийн суурь үйлчилгээг тэгш, хүртээмжтэй чанартай хүргэх, эрүүл, аюулгүй амьдрах орчныг бүрдүүлж, байгаль орчныг хамгаалан, бүс, орон нутгийг хөгжүүлэх боломж бүрдэнэ.

Мөн эдийн засгийн өсөлтийг хангах стратегийн МЕГА төслүүдийг хэрэгжүүлж, хөрөнгө оруулалт, санхүүгийн эх үүсвэрүүдийг бүрэн дайчилж, ашиглалт үр өгөөжийг дээшлүүлэх юм байна.


Сэтгэгдэл

Yaj be [150.129.142.196] 2020-08-16 18:53:03

Yaj yaj....yurunkhii zuilee boliocheee....orlogo tegsh khuvaarilakt....yadurkaas ard olnoo gargakhgui...teneg yaduurkaas tataacheee....ajiliin bair kheregtei

Зочин [103.212.119.139] 2020-08-16 22:11:28

Энэ засаг, энэ хэдэн хамраа сөхөж дээгүү харсан сайдууд нэг л бишээ. Ядаж байхад бүх булхайгаа АН-руу чихээд сурчихсан чинь хэцүү байх шиг хөөрхийс

Зочин [103.229.120.19] 2020-08-15 10:47:59

Тэнэг мал

Зочин [103.10.21.39] 2020-08-15 08:07:05

Баялагтай баян орны иргэдийг баян амьдруулах боломжийг нээж өгнө гэж найдаж байлаа...МАНЖИЙН дарлалд 200 жил СОЦ нийгмийн 70 жил АРДЧИЛСАН нийгмийн 30 жил энэ урт хугацаанд олон төр засаг солигдон олон ноёд сайд дарга албан тушаалтанууд ээлжлэн төр барьж ирснийг тэдний АЛДАА ОНООГ ТҮҮХ ГЭРЧИЛНЭ....Гэхдээ энэ бүх хугацаанд АРД ТҮМНЭЭ нэгэн жигд баян ч биш ядуу ч биш эсвэл хэт шинэ баячууд эсвэл үгээгүй ядуучууд болгосон түүх бидэнд бий.. .МОНГОЛЧУУД БИД АСАР ИХ БАЯЛАГИЙН ЭЗЭД....ЯАГААД ЭНЭ БАЯЛАГИЙНХАА ЭЗЭН НЬ ЭЗЭД НЬ БАЙЖ БАЯН ЧИНЭЭЛЭГ АМЬДАРЧ БОЛОХГҮЙ БАЙНА ВЭ....Бодлогоор албаар баян хоосны ялгаа бий болгож ХЭСЭГ БҮЛЭГ ЦӨӨН ХЭД НЬ БАЯН НИЙТ АРД ТҮМЭН ЯДУУ ....бид ийм л үед амьдарч байна ...МОНГОЛЧУУД БИД ЯАГААД ҮГЭЭГҮЙ ЯДУУ АМЬДРАХ ЁСТОЙ ГЭЖ.....СОЦ ҮЕД НИЙТЭЭРЭЭ ДУНДАЖ АРДЧИЛАЛЫН ҮЕД ХЭТ БАЯЧУУД ...ХЭТ ЯДУУЧУУД....ОДОО БАС ДУНДАЖ ДАВХАРГЫН ТУХАЙ БОДЛОГО..ЯАГААД ИРГЭД НЬ БАЯН БАЙЖ БОЛОХГҮЙ БАЙНА ВЭ .ҮСРЭНГҮЙ ХӨГЖЛИЙН БОДЛОГО БАРИМТАЛЖ ИРГЭН БҮРЭЭ БАЯН БОЛГОХ БОДЛОГО БАРИАЧ ЭЭ...

ss [202.9.47.6] 2020-08-14 21:48:29

bicheg tsaas damjuulsaar baital naad hugatsaa chin duuslaa shde malnuudaaa

Иргэн [202.126.88.196] 2020-08-14 18:37:18

Тосгоны дунд сургууль, хувийн дээд сургууль төгссөн л суурь боловсролтой нөхөр бна лээ дээ. Тал дээр шавар баримал босгож сумын төврүү зам тавих хэмжээнд сэтгээд байгаа нь аргагүй л юм даа зайлуул.

Зочин [202.9.40.168] 2020-08-16 00:59:41

Harward togsson hvntei yu yrih gd bga mal we

Зочин [202.179.21.229] 2020-08-14 18:20:28

Энэ махан толгой урд 4 жил юу ч хийгээгүй. Одоо буруугаа АН руу чихвэл анус руу чинь алсын харааг чинь чихнэ шүү. Пидда

Зочин [122.201.19.99] 2020-08-14 18:12:09

Амалсан амлалтаасаа шал өөр юм хийсэн хэдэн чадваргүй сайдтай үасаг удахгүй огцрох байлгүй


9 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
9 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.