Б.Ууганбат: Төрийн албан хаагчид өглөө 08:30 цагаас өмнө, орой 17:00 цагаас хойш хөдөлгөөнд оролцоно

Aдмин / Хууль

Нийслэлийн лавлагаа, мэдээллийн 1800-1200 тусгай дугаарт дөрөвдүгээр сарын 9-15-ны хооронд иргэдээс нийт 2980 дуудлага иржээ. Нийт дуудлагын хүлээлгийн дундаж хугацаа 14 секунд, иргэнтэй ярьсан дундаж хугацаа 2.05 минут секунд байна. Мөн “Нийслэлийн мэдээ” фэйсбүүк хуудасны чатботод 254 иргэн хандсанаас 104 иргэн автомат хариулагчаас мэдээлэл авч, 150 иргэнд оператор ажилтан мэдээлэл өгч ажиллалаа. Нийслэлийн Үйлчилгээний нэгдсэн төвийн дарга Б.Ууганбат 1800-1200 тусгай дугаарт иргэдээс түгээмэл ирж байгаа зарим асуултад хариулт өглөө.

-Нийслэлийн хэмжээнд тээврийн хэрэгслийг ямар зохион байгуулалттайгаар замын хөдөлгөөнд оролцуулж байгаа вэ?

-Засгийн газрын 2021 оны 45, 91 дүгээр тогтоол, Улсын Онцгой комиссын 02 дугаар тогтоол, Нийслэлийн Засаг даргын А/265 дугаар захирамжийн хүрээнд Гамшгаас хамгаалах бүх нийтийн бэлэн байдлын зэрэгт шилжсэн. Энэ өдрүүдэд төрийн байгууллагын албан хаагчид 10 хуваарь ажиллаж, албан хаагчдын тээврийн хэрэгслийг Тээврийн цагдаагийн албаны нэгдсэн системд оруулан, өглөөний 08:30 цагаас өмнө, орой 17:00 цагаас хойш гэр, ажлын хооронд явах чиглэлд хөдөлгөөнд оролцуулж байна. Хүнсний ачаа тээвэр, ковидын үед ажиллах эмч, эмнэлгийн ажилтны тээврийн хэрэгслийг улсын, хувийн гэж ялгалгүй, хязгаарлалтгүйгээр замын хөдөлгөөнд оролцуулж байгаа. Үйл ажиллагааг нь хязгаарлаагүй 15 чиглэлийн ажилтан, албан хаагчдын тээврийн хэрэгслийг хуанлийн өдрөөр автомашины дугаарын тэгш, сондгой тоогоор төгссөнөөр замын хөдөлгөөнд оролцуулж байна. Иргэд эрүүл мэндээ дэмжих, хөдөлгөөний дутагдлаас сэргийлэх зорилгоор нэг дор таваас олон хүн цуглахгүйгээр оршин суугаа газрын ойролцоо агаар салхинд гарах боломжтой.

-Иргэд ПСР шинжилгээнд хэрхэн хамрагдах вэ?

-Эмнэлэгт хэвтэн эмчлүүлэх, эмнэлгийн тусламж үйлчилгээ авах, яаралтай хагалгаанд орох иргэд болон орон нутагт хүндэтгэн үзэх шалтгаанаар /эрүүл мэнд, буяны ажил болон орон нутагтаа буцаж байгаа иргэд, ачаа тээвэр, хүнс, шатахуун, өвс тэжээл, эм, эмнэлгийн хэрэгсэл, уул уурхай, газар тариалан, зам, барилга бүтээн байгуулалт/ зорчих иргэд дараах цэгүүдэд цаг авалгүй шинжилгээнд хамрагдана. Мөн дээрх шалтгаанаар хөдөө орон нутагт зорчих иргэд нь иргэний үнэмлэх, тухайн аймгийн Онцгой комиссын шийдвэр, нас барсны гэрчилгээ /буяны ажил/ зэрэг баримт бичгийг бүрдүүлнэ. Шинжилгээний цэгүүд

  1. Чингэлтэй дүүргийн 50 дугаар сургууль,
  2. Сүхбаатар дүүргийн 31 дүгээр сургууль,
  3. Баянгол дүүргийн 13 дугаар сургууль,
  4. Хан-Уул дүүрэг Буянт-Ухаа спортын ордон,
  5. Сонгинохайрхан дүүрэг 5 шарын Номин агуулахын гадна талбай,
  6. Баянзүрх дүүрэг “Тэнгэр” плаза гадна талбайд ажиллаж байна.

Бүх нийтийн бэлэн байдлын зэрэгт шилжсэнтэй холбогдуулан дөрөвдүгээр сарын 25-ныг хүртэлх хугацаанд eruul.gerege.mn сайтаас цаг авсан иргэдийн цагийг цуцалсан.

-Гэрийн тусгаарлалтын талаар мэдээлэл өгөхгүй юү?

-Ойрын хавьтал болсон иргэдээс ПСР шинжилгээг гурав болон найм дахь хоногт дүүргийн хариу арга хэмжээний тандалтын баг гэрээс нь очиж авч байна. Зайлшгүй шаардлага /Коронавирусийн халдварын шинж тэмдэг илэрсэн, биеийн байдал муудсан/-тай нөхцөлд иргэд өрхийн эмчтэйгээ холбогдоно. Дуудлагын дагуу бэлтгэгдсэн баг гэрт нь очиж, эмнэлгийн тусламж, үйлчилгээ үзүүлнэ. Бүх дүүрэгт зөвлөх эмч нарын баг байгуулсан бөгөөд өрхийн эмч нарт зөвлөн туслах үйлчилгээ үзүүлж байна.

-Дархлаажуулалтын ажлыг хэрхэн зохион байгуулж байна вэ?

-Нийслэлийн хэмжээнд 60-аас дээш насны /эрүүл мэндийн 4, 5 дугаар бүлэг/ иргэдийг хамруулах ажлын хүрээнд дархлаажуулалтын есөн суурин цэг, 16 баг, 125 эмч, эмнэлгийн ажилтан, улаан загалмайн нийгэмлэгийн 36 ажилтан, 18 жолооч, нийт 179 албан хаагч, иргэдийг 18 автобусаар тээвэрлэх ажлыг зохион байгуулан ажиллаж байна.

Дүүргүүдийн дархлаажуулалтын цэгийн байршил:

  1. Баянзүрх дүүрэг 133 дугаар сургууль,
  2. Баянгол дүүрэг 20 дугаар сургууль,
  3. Багануур дүүрэг Эрүүл мэндийн төв,
  4. Чингэлтэй дүүрэг Аврагч спорт хороо,
  5. Сонгинохайрхан дүүрэг 9 дүгээр сургууль,
  6. Сүхбаатар дүүрэг 11 дүгээр сургууль,
  7. Хан-Уул дүүрэг Монгол Солонгос коллеж,
  8. Багахангай дүүрэг Эрүүл мэндийн төв,
  9. Налайх дүүрэг Эрүүл мэндийн төв

-Хөл хорионы үед нийтийн тээвэр ямар маршрутаар ажиллаж байна вэ?

-Нийтийн тээврийн хөдөлгөөнийг тусгай горимд шилжүүлсэн. Өглөө 06:30-10:00, өдөр 12:00-15:00, орой 17:30-22:00 цагийн хооронд зөвхөн хязгаарлалт тогтоохгүй төрийн байгууллага, хуулийн этгээдийн ажилтан, албан хаагчдыг халдвар, хамгааллын дэглэмийг мөрдүүлэн зорчуулж байна. Нийтийн тээврийн 98 чиглэлд 19 аж ахуйн нэгжийн 679 автобус үйлчилгээнд явж байгаа.


Сэтгэгдэл

ZAP [202.9.40.50] 2021-05-05 13:25:59

ZAP [202.9.40.50] 2021-05-05 13:25:59

Зочин [150.129.141.121] 2021-04-18 11:01:33

НОК УОК-г солир цаг болжээ. эдэнд хариуцлага тооцоож үхсэн хүмүүс. алдсан боломж хохирлыг төлүүлж албадан ажил хийлгэ.

Зочин [150.129.141.121] 2021-04-18 11:01:56

НОК УОК-г солих цаг болжээ. эдэнд хариуцлага тооцож үхсэн хүмүүс. алдсан боломж хохирлыг төлүүлж албадан ажил хийлгэ.

Иргэн [103.229.123.107] 2021-04-16 23:34:49

Тэнэг юм уу? Энэ улсыэ баыгууллагын ажил чинь дийлдэхгүй байна.Тэгш сондгойгоор нь хязгаарлачихаад юундаа цаг заагаад солиороод байгаа юм?Очсон өдрөө орой суугаад ажлаа шингэлэхийг бодно ш дээ,бүр нэг эргүү юм ярьдгаа боливол таарна

Баатар [66.181.161.93] 2021-04-16 12:57:12

Чингэс хааны хойт дүр Хүрэлсүх яасан вэ, ерөнхийлөгч мөрөөдөөд хэвтээд байна даа, аль ч улс оронд 40-с дээш насны өндөр боловсролтой, туршлагтай хүмүүсийг төрд ажиллуулдаг, төрийн ажил бол спорт, урлаг соёлын арга хэмжээ биш , нөгөө талаар шинжлэх ухаанд түшиглэсэн бодлого, үйл ажиллагаа хэрэгтэй. МАНам нэг л бишээ, ядахдаа эмс хүүхнүүдтэй их орооцолдох юм, эр хүн ингээд ирэхээр хийморь нь унадаг юм даа, шилдэг кадр нь хүртэл 1000 охин хүчиндсэн байдаг. Гиннесийн номд оруул, онц хүнд гэмт хэрэг, уг нь цаазын ялтай л хэрэг юм. Яахыг нь харах л үлдлээ.

Иргэн [202.9.40.12] 2021-04-16 12:04:56

Шийдвэрүүд нь ямар ч үр дүнгүй, аргацаасан хачин юм бх юм. Төр засаг үнэхээр оюуны хомсдолд орчихжээ. Хувьдаа мөнгө завшихаас өөр ямар ч бодлого алга. Бодлого нэртэй арга хэмжээнүүд нь галзуу хүний өдрийн тэмдэглэл. Одоо больёо. Ингэж удирдуулмааргүй бна. Ингэж амьдармааргүй бна. Танил тал, мөнгөгүй бол хэн ч биш болгодог авилгачин системээс залхаж гүйцлээ.

Зочин [64.119.26.60] 2021-04-16 13:21:37

МАН eрөнхийлөгчийн сонгуулиар унана даа.Тэр үeд Хүрэлсүх уйлж, Занданшатар,Оюун-эрдэнэ хоёр гар барьж тэврэлдэх болно.


8 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
8 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.