2010 онд Яармагийн дэнж дээр 300 ортой амаржих газар байгуулах шийдвэр гарч байсан ч хөрөнгө мөнгөнөөс шалтгаалан таван жилийн турш амаржих газар ашиглалтанд орох нь бүү хэл, барилгын ажил нь ч урагшилсангүй.

Тэгвэл Засгийн газрын шийдвэрээр тус амаржих газрын бүтээн байгуулалтын ажлыг концессын гэрээгээр гүйцэтгүүлэхээр болсноо дуулгалаа. Ингэснээр IV амаржих газар ирэх онд ашиглалтад орох юм.

Барилгын ажлыг гүйцэтгэхээр хоёр компани одоогоор саналаа ирүүлээд байгаа бөгөөд бүрэн дуусгахад 39 тэрбум төгрөг шаардагдах юм байна.

Б.ГЭРЭЛ