"Тоёота Моторс" компанийн бүтээгдэхүүн болох Приус машины шинэ загварыг өчигдөр дэлхий нийтэд танилцуулжээ. Японы зах зээл дээр 2 сая 429 мянган иенээр борлуулагдаж эхлээд байгаа аж. Шинэ Приус нь 40 км тутамд 1 л бензин х зарцуулах бөгөөд түлшинд дээд зэргийн хэмнэлттэй машин гэдгээрээ онцлог юм. Энэ нь 100 км тутамд ердөө 2.5 литр шатахуун хэрэглэнэ гэсэн үг юм.

Сүүлийн жилүүдэд "Тоёота Моторс" компанийн Приус загварын автомашин дэлхий дахинаа хамгийн өндөр борлуулалттай машинаар тодроод байгаа юм. Монгол мөнгөөр тооцож үзвэл одоогийн ханшаар 40 сая орчим төгрөгөөр зах зээлд борлуулагдаж байна.

Т.БАТСҮРЭН