Монгол гуравдугаар сургууль энэ сарын 7-нд нээлтээ хийнэ
Монгол Улсын ууган сургуулийн нэг III сургуулийнхан энэ жил шинэ байртай болж байна. Гэхдээ сургуулийн засварын ажил хараахан дуусаагүй байгаа учраас хичээлийн шинэ жилийн эхний өдөр нээлтээ хийсэнгүй. Тус сургууль энэ сарын 7-нд буюу ирэх даваа гаригт нээлтээ хийхээр болжээ.
Өнөөдөр хотын дарга Э.Бат-Үүл болон албаны хүмүүс тус сургуулийн барилгын ажилтай танилцсан юм. Хотын дарга олон улсын стандартад нийцсэн жишиг сургуулийг хурдан хугацаанд барьж ашиглалтад оруулж байгаа компанид талархал илэрхийлээд, цаашид ийм сургууль олныг байгуулахаар ярилцаж байгаагаа дуулгасан юм.
Монгол гуравдугаар сургуулийн барилгыг 2013 онд нурааж, шинээр барихаар болсон билээ. Анх 1921 онд үүсэн байгуулагдсан тус сургуулийн сурагчид өнгөрсөн хоёр жил нийслэлийн 4, 16 дугаар сургуудиудад хуваагдан суралцаж байв.
Ж.МАРАЛ
Гэрэл зургийг: Ц.ЭНХТАЙВАН
Сэтгэгдэл