Ослын газрыг орхин зугтах нь нэмэгджээ
Амралтын өдрүүдэд зам тээврийн осол, хэргийн газрыг орхиж явсан таван тохиолдол бүртгэгдсэн байна. Энэ төрлийн хэрэг ч сүүлийн үед нэмэгдэх болжээ. Зам тээврийн осол нь нь санамсар болгоомжгүй байдлаар үйлдэгддэг. Гэтэл зам тээврийн осол хэрэг, гаргаж буй зарим жолооч нар нь осол хэрэг үйлдээд тухайн ослын талаар Цагдаагийн байгууллагад мэдэгдэлгүй ослын газрыг орхиж явах, осолд өртсөн хүнд анхны тусламж үзүүлэлгүй орхиж явснаараа өөрийнхөө үйлдсэн ослыг хүндрүүлдэг.
Осол хэний ч анхаарал болгоомжгүй, буруутай үйлдлээс гарч болох тул иргэн та үүргээ биелүүлэн Цагдаагийн байгууллагад мэдэгдэн эд юмсыг ослын газраас хөдлөхгүй байх, осолд өртсөн хүнд эмнэлгийн тусламж үзүүлэх хэрэгтэйг албаны эх сурвалж мэдээлж байна. Улмаар иргэн та хуулиа биелүүлж бусаддаа хүндэтгэлтэй хандахыг Замын цагдаагийн газраас анхааруулж байна.
Б.ЦЭЛМЭГ
Сэтгэгдэл