Энэ өдрүүдэд Швейцарийн Женев хотноо дэлхийн автомашин үйлдвэрлэгчдийн нэгдсэн үзэсгэлэн, шоу арга хэмжээ болж байгаа. Уг үзэсгэлэнгийн үеэр танилцуулагдсан алдарт тагнуулч Жеймс Бондын төмөр хүлэг гэгддэг “Aston Martin” брэнд шинэ автомашинаа танилцуулж байна. 800 морины хүчтэй “Vulcan” гэх энэхүү автомашиныг “Aston Martin” компани 2.3 сая ам.доллараар үнэлж буй юм.

Уг загварын цоо шинэ шийдэл болсон “Vulcan” нь “Aston Martin”-ийн 2020 онд танилцуулах гурван шинэ загварын шинжийг өөртөө агуулсан гэж тус компанийн удирдлагууд Женевын Авто шоуны үеэр мэдэгдсэн байна. Үүнээс гадна тус авто шоуны үеэр “Aston Martin” эмэгтэйчүүдэд зориулсан “Lagonda" загвараа танилцууллаа. Энэхүү загвар нь цахилгаан хөдөлгүүрээр тоноглогдох ажээ.

М.АМАРЖАРГАЛ