Энэтхэгийн Уттар Прадеш мужийн Уннао дүүрэг орчим буюу Ганга мөрнөөс 104 хүний цогцос олдсон байна. Оршин суугчид голын эрэг дагуу нохой, тас шувуу олноор цугларах болсон тул хууль хяналтын байгууллагад мэдэгджээ. Тус улсын эрх баригчид холбогдох албаныханд дээрх хэргийг тодруулж, мөрдөн шалгах үүрэг өгсөн байна.

Энэтхэгт нас барсан хүмүүсийн ар гэр талийгаачийг оршуулах болон чандарлах санхүүгийн боломжгүй тулд голд хаях тохиолдол олон гардаг аж. Өнгөрсөн жилүүдэд олон тэрбум ам.долларын хөрөнгө гаргаж мөрний усыг цэвэрлэх ажлыг эхлүүлсэн ч төдийлөн амжилттай болоогүй байна.

Э.ЭНХ-ЭРДЭНЭ