Франц улсад ажиллаж, амьдарч байсан дөрвөн монгол залуу зам тээврийн осолд орж амиа алдсан харамсалтай хэрэг гарсан талаар бид мэдээлж байсан. Нас барсан гурван иргэн гэр бүлийн хамт, нэг нь ганцаараа амьдарч байсан аж. Гадаад харилцааны яам болон Парист суугаа Элчин сайдын яам талийгаачдын ар гэрийнхнийг хүлээн авч, шаардлагатай туслалцаа, дэмжлэг үзүүлж байгаа гэв.

Тухайлбал, нас барсан иргэдийн ар гэрийнхэнд Францад зорчих виз авахад нь дэмжлэг үзүүлэхээр болжээ. Осолд орсон иргэдийн задлан шинжилгээний хариу одоогоор гараагүй байгаа аж. Урьдчилсан байдлаар авсан мэдээллээр талийгаачид осолд орох үедээ согтууруулах ундаа хэрэглээгүй байсан гэдгийг Гадаад харилцааны яамнаас мэдэгдээд байгаа юм.

М.АМАРЖАРГАЛ