Өнөөдөр Швейцарийн Давос хотноо эхэлсэн дэлхийн эдийн засгийн чуулган үргэлжилж байна. Энэхүү 45 дахь чуулганд дэлхийн 40 орны төр засгийн удирдагч, 750 том корпорацийн гүйцэтгэх захирал, мөн 140 гаруй орны 1500 гаруй бизнесийн шилдэг удирдагч оролцож байгаа аж.

Монгол Улсын Ерөнхийлөгч жил бүр энэ чуулганд оролцохдоо тодорхой салбар, чиглэлээр илтгэл тавьдаг. Энэ удаад уул уурхайн салбарын талаарх уулзалтад оролцож, илтгэл тавина. Мөн УИХ, Засгийн газрын төлөөлөгчид ч бас чуулганд оролцож, хямралыг даван туулах шинэ бодлого, боломжуудаа танилцуулах мэдээлэл бий. “Давос-2015” дэлхийн эдийн засгийн чуулганд манай улсын хувьд шинэ бодлого шийдвэрээ танилцуулж, хөрөнгө оруулагчдыг татах боломж бүрдэж байгааг албаныхан онцлов.

Э.ЭНХ-ЭРДЭНЭ