Токио хотын “Кокүгикан” спортын ордонд болж буй Хацү башёгийн 11 дэх өдөр ёкозүна Хакүхо М.Даваажаргал озэки Гойэдог цүкидаши мэхээр өвдөг шороодуулж, ээлжит даваагаа авсан. Харин түүний араас ганцхан унаатай нэхэж явсан Харүмафүжи сэкивакэ Аойямад унасан бол ёкозүна Какүрюү озэки Котошёгикүд мөн дийлдлээ. Котошёгикүгийн хувьд 50 хувийн амжилтаа хийсэн.

Энэ өдөр озэки Кисэносато Аминишикигээр ес дэх даваагаа авсан бол Тамаваши Б.Мөнх-Оргил найм дахь даваагаа авлаа. Харин сэкивакэ Ичиножёо Точиношинд унаж, үлдсэн өдрийн барилдаануудад унах эрхгүй болж буй юм.

М.АМАРЖАРГАЛ