Эдийн засгийн байнгын хорооны хуралдаанаар эдийн засгийн хүндрэлийг хэрхэн даван туулах арга хэмжээний тогтоолын төслийг хэлэлцэж байна. Эдийн засгийн хүндрэлийг даван туулах тухай 2015 оны төлөвлөгөөнд "Экспортын орлогыг 10 тэрбум төгрөгт хүргэх боломжтой, Эдийн засгийг татварын бодлогоор дэмжинэ, Бага дунд үйлдвэр, аж ахуй нэгжүүдийг дэмжих, НӨАТ-ын 2 хувийг эргүүлэн олгох" зэрэг нийт 50 орчим төлөвлөгөөг хэрэгжүүлэх зорилтыг тавьжээ. Иймээс АН-ын бүлгийн зүгээс эдийн засгийн хүндрэлийг давах тухай төлөвлөгөөг хэлэлцчихсэн учраас дахин хэлэлцэх шаардлагагүй гэж үзсэн бол МАН-ын бүлгийн зүгээс дахин хэлэлцэх шаардлагатай хэмээн үзэж байнгын хорооны гишүүд санал солилцож эхэллээ.

Т.БАТСҮРЭН