Газыг аюулгүй болгож байна
“Хаан гэр” ресторанд өнөөдөр 16.00 цагийн үед гарсан галыг 19 цаг 30 минутын байдлаар унтрааж чадаагүй, гурван давхар уг барилга галд автсан хэвээр байна. Одоогоор галыг унтраахаар Нийслэлийн онцгой байдлын газрын Гал унтраах ангийн албан хаагчид зургаан машинтай ажиллаж байгаа ажээ.
Галд автсан ресторан дотор байсан зарим газыг аюулгүй болгосон талаар албаны хүн хэллээ. Гэхдээ зарим эх сурвалжийн мэдээлж буйгаар шатаж буй барилгын залгаа байшин дотор их хэмжээний газ байгаа аж. Хэрэв уг галыг яаралтай унтраахгүй бол барилга доторхи газ дэлбэрч магадгүй юм байна. Галыг харах гэсэн хүмүүс "Метро молл" их дэлгүүрийн урдаас эхлэн "Хүнсний 4"-ийн уулзвар хүртэл эгнэн зогсчээ.
Д.ТҮВШИН
Сэтгэгдэл