Зэсийн нийт хэрэглээний 40 гаруй хувь ногддог БНХАУ-ын аж үйлдвэрлэл сүүлийн таван сарынхаа дээд хэмжээнд хүрсэн талаарх мэдээлэл цацагдсаны дараа зэсийн үнэ нэмэгджээ. Мөн Евро бүсийн үйлдвэрлэл, Японы эдийн засгийн үзүүлэлт өссөн нь зэсийн ханшид эергээр нөлөөлж буй гэдгийг эдийн засагчид онцолжээ.

Ингэснээр зэсийн үнэ өнгөрсөн сарын 13-наас хойш анх удаагаа хамгийн дээд түвшиндээ хүрч өчигдөр тонн зэс 5805 ам.доллараар зарагдсан байна. Харин ирэх долдугаар сард Шанхайн биржид худалдан авах зэсийн ханш 0.5 хувиар нэмэгдэн, тонн нь 46.660 юань (7478 ам.доллар)-тай тэнцэх аж.

М.АМАРЖАРГАЛ