Бээжин хотын метроны буудлуудад хуванцар саваар тасалбар худалдан авдаг ухаалаг машинууд суурилуулсан байна. Тус хотын иргэд энэхүү ухаалаг үйлчилгээг хүмүүс ихээр сонирхох болжээ. Ухаалаг машинд ямар ч хуванцар сав хийж болохоос гадна ундааны шил, лааз хийж болно. Энэхүү үйл ажиллагааг 60 мянган хүн хянаж ажилладаг аж.

Хотын удирдлагууд “Хаа сайгүй хог болон хэвтдэг хуванцар савуудыг харахыг хүсэхгүй байна. Иргэд маань энэхүү технологийг ашиглаж сураасай. Хуванцар сав байгальд шингэх нь удаан байдаг. Хуванцраас болж байгаль орчин доройтож байна. Энэхүү технологийг хөгжүүлснийхээ дараагаас хаа сайгүй харагдах тамхины ишийг багасгах аргыг олох болно” гэж ярьжээ.

М.АМАРЖАРГАЛ