Чөлөөт бүсийн захирагч нарыг шинээр томиллоо
УИХ-аас өнгөрсөн нэгдүгээр сард Чөлөөт бүсийн тухай хуулийг шинэчлэн баталсан билээ. Уг хуулиар Чөлөөт бүсийн асуудал Аж үйлдвэрийн сайдын эрхлэх асуудлын хүрээнд харъяалагдаж, зохицуулагдахаар заагдсан. Энэ дагуу өчигдөр Аж үйлдвэрийн сайдын тушаалаар “Замын-Үүд” чөлөөт бүсийн захирагч Д.Батсайхан, “Алтанбулаг” чөлөөт бүсийн захирагчийн үүргийг түр орлон гүйцэтгэгч Ч.Чимэдсүрэн нарыг үүрэгт ажлаас нь чөлөөлж, шинэ хүмүүсийг томилжээ. Тодруулбал, П.Тогтохбаярыг “Алтанбулаг” чөлөөт бүсийн захирагчийн үүргийг түр орлон гүйцэтгэгчээр, Д.Баасандоржийг “Замын-Үүд” чөлөөт бүсийн захирагчийн үүргийг түр орлон гүйцэтгэгчээр тус тус томилсон байна.
Э.ЭНХ-ЭРДЭНЭ
Сэтгэгдэл