БНАСАУ Япон тэнгис дэх усан болон агаарын замаа хаажээ
Энэ сарын 1-нээс БНАСАУ Япон тэнгист навигаци хийх, нислэг үйлдэхийг хориглосон тухай өнгөрсөн ням гаригт Ёнхап агентлаг Өмнөд Солонгосын Засгийн газрын мэдээллийг иш татан уламжилжээ. Энэ нь Хойд Солонгосын эрх баригчдын баллистик пуужингийн туршилт хийх зорилготой холбоотой юм байна. Тус агентлагийн эх сурвалжийн мэдээлснээр, дээрх хориглолт хэдий хугацаанд үргэлжилж дуусах нь тодорхойгүй байгаа бөгөөд энэ мэдээллийг албан ёсоор нотлоогүй байгаа аж. Умард Солонгос энэ сарын 15-нд Ким Ир Сений мэндэлсэн өдрөөр зүүн нутагтаа пуужин харвах туршилт явуулж магадгүй гэж Өмнөд Солонгосын агентлаг мэдээлжээ.
Э.ЭНХ-ЭРДЭНЭ
Сэтгэгдэл