Цахим номын үйлчилгээ эрхэлдэг “Amazon” компани “Fire Phone” ухаалаг утсаа танилцууллаа. Энэхүү ухаалаг утасны онцлог нь утасны дугаар, вэб хаяг, и-мэйл хаяг бичих шаардлагагүйгээр телевизээр гарч буй кино, дууны хэсгээс шууд таних аж. Уг утас нь 240 мянган киноны сан, зурагтын 160 сувгаас хайлт хийх чадвартай цорын ганц утас болжээ. Мөн ном, СD, DVD, видео тоглоомын 70 сая сантай ба дэлгэрэнгүй тайлбарыг нь байршуулснаас хүссэнээ худалдаж авах боломжийг хэрэглэгчид олгосноороо давуу талтай юм. Техникийн үзүүлэлтээрээ бусад ухаалаг утсаас дутахааргүй “Fire Phone”-ийг 199 ам.доллараар худалдаалах аж.

Э.ЭНХ-ЭРДЭНЭ