УИХ-ын чуулганы хуралдаанд Ерөнхий сайд Ч.Сайханбилэг Татварын асуудлаар мэдээлэл хийсний дараа гишүүд асуулт асууж байна. Энэ үеэр Оюутолгойн Монголд төлөх 30 сая ам.долларын татварын өрийг тэглэсэн үү гэдгийг лавлахад Ерөнхий сайд Ч.Сайханбилэг “Оюутолгойн татварын 30 сая долларыг тэглэсэн гэдэг худал. Бид Оюутолгойтой ойлголцоод явж байгаа” гэв. Хэдхэн хоногийн өмнө Засгийн газрын хуралдаанаар Рио тинтой компанитай Эвлэрлийн гэрээ байгуулж Оюутолгой компани Монголд төлөх 30 сая ам.долларын татвараа төлөхөөргүй болсон хэмээн УИХ-ын гишүүн С.Ганбаатар мэдээлээд байсан билээ.

Ж.МАРАЛ