Дэлхийн нийт жил бүр “Автомашингүй өдөр”-ийг тэмдэглэдэг уламжлалтай. Монгол улс энэ уламжлалд нэгдээд хоёр жил болжээ. Энэ жил автомашингүй өдрөө нийслэлчүүд Чингисийн талбайд тэмдэглэн өнгөрүүлж байна.

Чингисийн талбайд болж буй арга хэмжээнүүдээс онцолбол анхны тусламж үзүүлэх талаар өсвөр үеийнхэн болон иргэдэд өртөөчилсөн сургалт явуулж, цэцэрлэгийн насны хүүхдүүд замын хөдөлгөөний дүрмийн талаар үзүүлбэр үзүүлэн, хийн дасгалын үзүүлбэр, СУИС-ийн оюутнуудын “Зам тээврийн осол гэмтлээс сэргийлье” сэдэвт жүжигчилсэн тоглолт, Монос группын ажилчдын флаш моб, Монголын улаан загалмайн нийгэмлэгийн хүүхдүүд мөн флаш моб бүжиглэсэн зэрэг олон арга хэмжээ болж байна.

“Автомашингүй өдөр”-т зориулсан арга хэмжээ одоо ч Чингисийн талбайд болж байгаа бөгөөд өнөөдөр 18.00 цаг хүртэл үргэлжилнэ.

Б.ГЭРЭЛ

Гэрэл зургийг: Н.АНХБАЯР