Соёлын өвийг хамгаалах тухай хуулийн дагуу археологийн урьдчилсан хайгуул судалгаа хийлгэхгүйгээр ашигт малтмал олборлох, усан цахилгаан станц барих, авто зам тавих зэргээр түүх, соёлын үл хөдлөх дурсгалыг ихээхэн сүйтгэж байна. Тиймээс энэ оны тавдугаар сарын 1-нээс аравдугаар сарын 1 хүртэл Түүх соёлын үл хөдлөх дурсгалын улсын тооллого хийх болжээ.

Монгол Улсын нутаг дэвсгэрт оршиж буй түүх, соёлын үл хөдлөх дурсгалууд нь он цагийн уртад нар, салхи, бороо, агаарын температурын өөрчлөлт, аянга цахилгаан гэх мэт байгалийн нөлөөгөөр элэгдэн гэмтэж, хагарч бутран, анхны хэлбэр төрхөө алдаж, зарим нь устан үгүй болж байна. Түүнчлэн хүний зохисгүй үйл ажиллагаанаас шалтгаалан түүх, соёлын үл хөддөх дурсгалууд сүйдсэн тохиолдол ч цөөнгүй юм.

Э.ЭНХ-ЭРДЭНЭ