“Чингис хаан” Гран при-2015 тэмцээнд дэлхийн 50 орны 350 гаруй жүдоч хүч сорихоор мэдүүлгээ ирүүлжээ. Тэмцээний нэг жинд 17-23 бөх аваргын төлөө өрсөлдөх юм байна.

ОУЖБХ-ноос өнгөрсөн сараас Хорватын тэмцээнээр эхэлж Баку, Ази тивийн АШТ болон Улаанбаатарын “Чингис хаан” Гран при тэмцээнээс олимпийн эрхийн 100 хувийн оноо олгож буй юм.

ОУЖБХ-ны дүрэм ёсоор “Гран при” тэмцээнд түрүүлсэн жүдоч чансаандаа 300, мөнгөн медаль 180, хүрэл медаль 120 оноо нэмэх юм. Тус тэмцээний шагналын сан 100 мянган ам.доллар юм байна.

Э.ЭНХ-ЭРДЭНЭ