“AndroidPit” агентлаг жил ба түүнээс их хугацаагаар гар утсаа ашигладаг хэрэглэгчдэд “USB” залгуур ашиглахгүй байхыг зөвлөжээ. “USB” залгуураар гар утасаа цэнэглэхэд цаг хугацаа их зарцуулахаас гадна утасны зай хураагуур цельсийн 40 хэм хүртэл халж, цэнэг барих хугацааг 65 хувь хүртэл бууруулдаг байна. Учир нь “USB” залгуурын хүчдэл тогтмол өөрчлөгдөж байдаг ба дулаан хэт их ялгаруулдаг. Ингэснээр гар утасны зай хураагуурын “насыг богиносгодог” ажээ. Иймд тогтмол гүйдэл бүхий зориулалтын цэнэглэгч ашиглавал гар утас цэнэгээ удаан хугацаанд барьдаг байна.

Э.ЭНХ-ЭРДЭНЭ