-Сайжруулсан түлшээр бүх нийтийн сонсгол хийх санаачилгыг гаргаж, өчигдрийн Тэргүүлэгчдийн хуралдаанаар арваннэгдүгээр сарын 4-нд хийхээр шийдвэрлэлээ. Сонсголоос ямар үр дүн хүлээж байна вэ?

-Сайжруулсан түлш хүний эрүүл мэндэд сөрөг нөлөөгүй, утааг бууруулах үр дүнтэйшийдэл байгаасай гэж хүн бүхэн хүсэж байна. Өвөл эхлээгүйнамрын дунд сар болж байхад долоон хүн угаарын хийнд хордон амь насаа алдсан харамсалтай юм боллоо. Хэдхэн хоногт 300 гаруй хүн угаартсан дуудлага өгч, эмчилгээ, шинжилгээ хийлгэсэн байна.Зарим ажил, албан тушаалтнууд өөр өөр мэдээллийг өгч байгаа.Түлшний шаталт явагдах үйл явцыг хөндлөнгийн байгууллагаар шинжлүүлсэн дүгнэлтийг ил болгох зэрэг олон түмэнд нээлттэй болгох шаардлагатай асуудлууд байна. Баталгаатай мэдээллийг нэг цонхоор иргэддээ өгөх нь зүйтэй. Мэргэжлийн байгууллага, хөндлөнгийн шинжээчдийг оролцуулан нийтийн сонсгол хийх шаардлагатай учраас ийм санал гаргасан.

-Сайжруулсан түлш хэрэглэж эхэлснээс хойш утааны түвшин багассан гэж мэдэгдэж байгаа?

-Утаа буурч байвал маш сайн. Би хувьдаа Улаанбаатар хотод түүхий нүүрсийг дахин түлэх асуудлыг дэмжихгүй.

-Зарим хүн танай намыг утаагаар улстөр хийж байна гэж харж байгаа шүү дээ?

-Түлш, зуухаар утаа бууруулна, энэ бол дэлхийн жишиг гэж эх баригчид хэлсэн. Богино хугацаанд байж болох байх. Гэхдээ дэлхий даяар яндангийн тоог цөөлж инженерийн болон эдийн засгийн шийдлээр энэ асуудлыг шийдсэн байдаг. Гэр хорооллын дахин төлөвлөлтийн ажил болонянданг цөөлөх бодлогыг явуулахгүй байгаад шүүмжлэлтэй хандаж байгаа. Үүнийг зарим хүмүүс улс төржүүллээ гэх байх. Бид ард иргэдтэйгээ хамт хяналт тавьж ажиллах үүрэгтэй сөрөг хүчин. Энд хуулийн дагуу сөрөг хүчний үүргээ гүйцэтгэж, иргэний хяналтыг хэрэгжүүлж байна.

Засгийн Газрын 62 дугаар тогтоолыг хэрэгжүүлэх шатанд алдаа гарсан нь үнэн

-“Таван толгой түлш”ХХК-д хариуцлага тооцох уу. Эрүүгийн хэрэг үүсгэсэн гэсэн мэдээлэл гарсан?

-Энэ талаар нарийн мэдээлэлгүй байна. Ямар ч байсан “Тавантолгой түлш” компанийн болон Ухаа худагаас тээвэрлэлт хийсэн гэрээ, гэрээний үнийн дүн, баримт бичгүүдийг бүгдийг олон нийтэд нээлттэй болгох ёстой. 2018 оны хоёрдугаар сард батлагдсан Засгийн Газрын 62 дугаар тогтоолыг хэрэгжүүлэх шатанд алдаа гарсан нь үнэн. Нийслэл хот энэ тогтоолыг хэрэгжүүлэх ямар нэг ажил хийхгүй байснаабүтэн жил хагасын дараа буюу 2019 оны наймдугаар сараас журам гаргаж, ажиллаж эхэлсэн. Энэ хооронд Нийслэлийн Агаар орчны бохирдлыг бууруулах газрын дарга гурван удаа солигдсон. Ажил биш, албан тушаалын тулаан өрнөөд байсан. Хэрэгжүүлэх шатанд гарсан алдаагаа нэн яаралтай олох ажилд хойрго хандаж байна. Үүний дараа хариуцлагын асуудал яригдана.

-Зургаан тэрбум төгрөгөөр утаа мэдрэгч авч айлуудад тараах тухай ярьж байсан. Үүнийг юу гэж бодож байна?

-Энэ талаар эргэж сайн ярилцах ёстой байх. Иргэд дохиоллоо дуугарахаар хаалга цонхоо онгойлгоод суух уу? гэдэг зарчмын хувьд авцалдаагүй асуудал үүснэ. Төсөв мөнгө хангалттай байгаа бол гэр хорооллыг дэд бүтэцжүүлэх, орон сууцжуулах ажилдаа нэн яаралтай зарцуул гэж хэлмээр байна.