Монгол Улсын Ерөнхийлөгч У.Хүрэлсүхийн санаачилгаар Монгол Улс 2030 он гэхэд тэрбум мод тарих үндэсний хөдөлгөөнийг өрнүүлээд байна.

Эх дэлхийгээ хайрлан хамгаалах, уур амьсгалын өөрчлөлт, цөлжилтийн эсрэг зохион байгуулж байгаа тус хөдөлгөөнийг монголын нийт ард түмэн, төрийн болон төрийн бус байгууллага, аж ахуйн нэгж бүр идэвхтэй дэмжин, олон арван бүтээлч үйл ажиллагааг өрнүүлсээр байна.

Энэ хүрээнд Онцгой байдлын ерөнхий газар, Гамшиг судлалын үндэсний хүрээлэн, 119-р ангийн хамт олон өчигдөр Богд уулын Жаргалантын аманд намрын тариалалтаа хийлээ.

Намрын тариалалтаар алба хаагчид 1400 ширхэг улиас мод тариаллаа.

Онцгой байдлын байгууллага нь 2022-2030 онд 10 сая модыг тарьж ургуулах зорилт тавьсан юм.

Эх сурвалж: ОБЕГ