7 сарын башёд Их аварга Хакүхо М.Даваажаргал барууны манлайд бичигджээ

Д.Тулга / Спорт

Японы мэргэжлийн сумо бөхийн холбооноос долдугаар сард Нагоя хотноо болох тэмцээний банцүкэг зарласан бөгөөд зүүн жигүүрийг 71 дэх Их аварга Какүрюү М.Ананд манлайлж, 69 дэх Их аварга Хакүхо М.Даваажаргал барууны манлайд бичигджээ.

Хакүхогийн Их аварга цолтой 72 тэмцээнд зодоглосон амжилтаар түүхэнд нэгдүгээрт жагсдаг бол Какүрюү Их аварга /Ёкозүна/ цолтой 32 башёд барилдсан нь 10-т бичигдэх амжилт юм байна.

Тавдугаар сарын /Нацү/ башёд Озэки цолтой барилдсан Такакэйшёогийн хувьд Нагояд кадобан болно. Харин Точиношин Озэки цолоо эргүүлэн авсан. Митакэүми дахин Сэкивакэ болсон. Аби, Рюүдэн хоёр анх удаа Комүсүби цолтой барилдана.Өнгөрсөн Нацү башёд Маэгашира цолтой түрүүлсэн Асанояма Маэгашира цолтнуудын тэргүүн бөх болсон байна.

Нагоя башёгийн дээд буюу Макүүчи зиндаанд хоёр Их аваргаас гадна Сэкиваке Тамаваши Б.Мөнх-Оргил, Ичиножёо /М 5/ А.Ичинноров нарын монгол бөхчүүд барилдана. Харин Жюүрёо зиндаанд 6 бөх, Макүүшитад Озэки асан Тэрүнофүжи Г.Ган-Эрдэнэ нарын 9 бөх барилдах бол Сандамэд манай 2 бөх зодоглоно.


Сэтгэгдэл

puujee [202.131.235.50] 2019-06-24 12:44:45

medee bol sonin. harin nairuulga, aldaa bol arai yumaa.

Сүртэй нь сүртэй юм. Гэхдээ гоо зүй ч хохирч байна. [202.131.228.118] 2019-06-24 08:56:58

Орчин үеийн гоо зүйд тохирохгүй зураг байна. Гүзээгий нь ээ !!!


2 сэтгэгдэл байна
1000 тэмдэгт оруулах үлдлээ.
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2 сэтгэгдэл байна
Уншигчдын бичсэн сэтгэгдэлд Medee.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.