Гудамжнаас хайрцагтай нярай хүүхдийн цогцос олджээ

Б.БУРМАА / Хууль

Өнгөрсөн мягмар гарагт Чингэлтэй дүүргийн 16-р хороонд дөнгөж төрсөн нярайн цогцсыг хайрцагт хийж хаясан хэрэг гарчээ. Улмаар цагдаагийн байгуулагаас хүүхдийн эхийг тодруулах ажиллагаа явуулжээ. Ингэхэд Архангай аймагт оршин суух хаягтай 20 настай Э гэх эмэгтэй уг хүүхдийг төрүүлсэн бөгөөд төрөлхийн өвчтэй хүүхэд байсан тул нас барсан гэх мэдүүлэг цагдаагийн байгуулагад өгсөн байна. Цагдаагийн байгууллага энэ хэргийг үргэлжлүүлэн шалгаж байгаа бөгөөд нярайн цогцсыг шинжлүүлэхээр Шүүхийн шинжилгээний үндэсний хүрээлэнд хүргүүлсэн аж.