Белоруссын “МАЗ-СПОРТавто” багийн тамирчин Сергей Вязовичийн хувьд сүүлийн хэдэн өдрийн турш өрсөлдөгч нь болж байсан Оросын “КАМАЗ-мастер” багийн тамирчин Андрей Каргиновахиад л дугуйгаа солив. Тэрбээр шөвх хад дайрсан тул дугуй нь хагарчээ. Түүний баг дугуйгаа солиход 5,5-хан минут зарцуулсан бөгөөд одоо “КАМАЗ-мастер”-ын тамирчин, Белоруссын тамирчин хоёрын хоорондох хугацааны зөрүү нэмэгдэж 24 минут болоод байна.

Харин одоогоор Сергей Вязовичийн хамгийн ойрын өрсөлдөгч нь Антон Шибаловболоод байна. Зургадугаар үе шатны уралдаанд тэрбээр Сергейгээс ердөө л 27-хон секундээр хоцорсон бөгөөд тухайн үе шатанд нийлбэр дүнгээрээ 16,5 минутын хоцрогдолтой явж байгаа юм.

Одоо раллид оролцогчдын хувьд шинэ үе шат - хурдны хэсэггүй долдугаар үе шатны уралдаан эхэлж байна. Орос – Монгол - Хятад гэсэн гурван орны нутаг дэвсгэрийг дамнан үргэлжилж буй энэ уралдааны эцсийн бариа нь БНХАУ-ын нутаг дахь элсэн манхан дундах үзэсгэлэнт Дуньхан хот юм.