УИХ-ын чуулганы ээлжит хуралдаан өнөөдөр 11.20 минутад УИХ-ын даргын алх тогшсоноор эхэлсэн боловч гишүүдийн ирц хангалтгүй байлаа. Энэ удаагийн хуралдаанаар Сууц өмчлөгчдийн холбооны эрх зүйн байдлын тухай хуульд нэмэлт өөрчлөлт оруулах тухай асуудлыг хамгийн түрүүнд хэлэлцэх байлаа. Хэлэлцэх асуудлуудыг танилцуулсны дараа УИХ-ын гишүүн О.Баасанхүү: “Хэдийгээр 38 гишүүн ирсэн гэж байгаа ч яг одоо 17 гишүүн байна. Тиймээс ирцээ бүрдүүлмээр байна. Тэгж бйаж асуудлыг хэлэлцэх шаардлагатай” гэсэн боловч УИХ-ын дарга Г.Занданшатар “Гишүүд энд зохиогдож байгаа бусад арга хэмжээнд оролцож байгаа ч санал хураалтдаа оролцоно” гэсэн тайлбарыг өгснөөр эхний асуудлыг хэлэлцэх санал хурааж, санал өгсөн 38 гишүүний олонх нь дэмжээгүй учраас хууль санаачлагчид буцаахаар боллоо.