УИХ-ын чуулганы нэгдсэн хуралдаан үргэлжилж байна.

УИХын гишүүн С.Чинзориг: Хүүхдийн хүмүүжил, төлөвшил, боловсрол гэр бүлийн орчинд хөгжиж, төлөвшдөг. Одоогийн мөрдөж байгаа хууль 1999 онд батлагдсан. 20 гаруй жил хэрэгжиж байна. Зургаан удаа нэмэлт өөрчлөлт орсон байдаг. Энэ удаад Гэр бүлийн тухай хуулийн төсөлдөө хэд хэдэн зохицуулалтыг нэмж оруулсан байгаа. Ялангуяа гэр бүл хамгаалах чиглэлийг төрөөс дэмжих асуудлыг оруулж ирсэн байгаа. Мөн тэжээн тэтгэх, асран хамгаалах, харгалзан дэмжих харилцааг боловсронгуй болгохтой холбоотой асуудлыг тусгаж байгаа. Хүүхэд үрчлэлттэй холбоотой харилцааны асуудлыг боловсронгуй болгохоор хуулинд цоо шинээр оруулж ирсэн. Эдгээр асуудлыг хуулиар зохицуулдаг болгож байгаагаараа нэлээд ач холбогдолтой. Сүүлийн хорин жил хүүхдийн хүмүүжил, төлөвшилтэй холбоотой асуудлыг төрийн бодлогын гадна орхигдуулж ирсэн. Энэ хугацаанд хүүхдээ эрдэм болосвролтой болгох асуудлыг тэргүүн эгнээнд тавьж, хүүхдийн хүмүүжил, төлөвшлийг орхигдуулж ирсэн байна.