Тавантолгой-Зүүнбаян чиглэлийн төмөр замын бүтээн байгуулалтын ажил нэг сарын хугацаагаар хойшлохоор болсныг УУХҮ-ийн сайд Д.Сумъяабазар мэдэгдлээ. БНХАУ-д гарсан шинэ төрлийн коронавирусын дэгдэлтээс сэргийлж бүтээн байгуулалтын ажил гуравдугаар сард эхлэх байсан боловч, дөрөвдүгээр сард хүртэл хойшлуулжээ.

“Төрөөс төмөр замын талаар баримтлах бодлого”-д тусгагдсаны дагуу баригдаж буй 414.6 км төмөр замын ажил Дорноговь аймгийн Мандах, Зүүнбаян гэсэн хоёр суманд зэрэг үргэлжилж байгаа юм. “Монголын төмөр зам” ТӨХК-ийн мэдээлснээр замын бүтээн байгуулалтын ажил одоогоор 40 хувьтай байна.