ЭХЭМҮТ-д өнөөдөр өндөр халуунтай нэг хүүхэд иржээ. Тухайн хүүхдийн биеийн байдлыг эмч нар үзээд короанавирусийн сэжигтэй тохиолдол байж болзошгүй гэж тусгаарласан талаарх мэдээлэл гарсан. Энэхүү мэдээллийг тодруулахаар 22.00 цагийн үед ЭХЭМҮТ-д очиход үйл ажиллагаа хэвийн явагдаж байсан. Хүүхдээ үзүүлэхээр ирсэн иргэд нэлээд олон байв.

Тус эмнэлгийн орой ээлжийн эмч сувилагч нараас тодруулахад “ Одоогоор бидэнд ямар нэгэн мэдээлэл байхгүй байна. Маргааш ажлын цагаар хүүхдийн эмнэлгийн эмчээс мэдээлэл аваарай. Эмнэлгийн үйл ажиллагаа хэвийн явагдаж байгаа” гэв.

Энэ мэдээллийг ЭМЯ-наас тодруулахад "Албан ёсны мэдээлэл дээр хүүхэд өндөр халуурсан тохиолдол байхгүй" гэв.