Хүн төрөлхтөн шинэ төрлийн коронавирусыг устгах эцсийн найдвар болох вакциныг амьсгаа даран хүлээж буй билээ. Дэлхийн нийтийг хүлээлгэсээр буй туршилтын вакцинуудын үр дүнгүүд сайн байгаа хэдий ч коронавирусний вакциныг 2021 оноос нааш хэрэглэж эхлэхгүй хэмээн ДЭМБ-ын Эрүүл мэндийн онцгой байдлын хөтөлбөрийн гүйцэтгэх захирал Майкл Райан мэдэгдсэн гэж TASS мэдээлснийг МОНЦАМЭ уламжиллаа.

Зарим бэлдмэл туршилтын 3 дугаар үе шатандаа хүрсэн бөгөөд бүгд сайн үр дүн үзүүлж байгааг Майкл Райан мэдэгдэлдээ цохон тэмдэглэсэн байна.

"Гэсэн хэдий ч вакцины аюулгүй байдал хийгээд үр дүнтэй байдлыг хангах хэрэгтэй. Үүнд хэсэг хугацаа шаардлагатай” хэмээн тэрбээр мэдэгдээд, орлогын түвшнээс үл хамааран хүн бүр вакцин хийлгэх шаардлагатайг онцолжээ.