"Бага насны хүүхдүүдээ НАРШИЛТААС хэрхэн сэргийлэх" талаар УХТЭ-ийн Амбулаторийн эрхлэгч, Хүүхдийн ахлах зэрэгтэй эмч Д.Солонго зөвлөгөө мэдээлэл өглөө.

Нарны болон эргэн тойронд хэт халуун бүгчим орчинд дулаан зохицуулалт алдагдаж эхэлдэг ба хүн халууцаж хөлөрсөөр байгаад арьс хуурай болж, биеийн темпратур өсөхийг дулааны цохилт буюу НАРШИЛТ гэж нэрлэдэг.

Бага насны хүүхдийн халуурлын ангилал:

• Хэвийн халуун- 36.5-37.5
• Бага халууралт- 37.5-38
• Дунд халууралт- 38-39
• Өндөр халууралт- 39-40
• Хэт өндөр халууралт- 41-ээс дээш

Наршилтад нөлөөлөх эрсдэлт хүчин зүйлс:

• Халуун нартай бүгчим газар удаан байх. /машин дотроо хүүхдээ цоожлоод явах тохиолдлууд байдаг бөгөөд үүнээс болоод хүүхэд наршиж наршилтын хамгийн том эрсдэл бол хүүхдийн зүрх зогсох эрсдэл байдаг. /
• Агаарын чийгшил их байх
• Өндөр настай хүмүүс
• Бага насны хүүхэд
• Зохисгүй хувцаслалт буюу хэт халуунд олон давхар хувцас өмсөх
• Хоол тэжээлийн хомсдол /өглөөний цайгаа уухгүй гарах /
• Хөдөлгөөний дутагдал

Наршилт буюу халууны цохилт нь яаж үүсдэг вэ?

Нарны болон эргэн тойронд хэт халуун бүгчим орчинд дулаан зохицуулалт алдагдаж эхэлдэг. Хүн халууцаж хөлөрсөөр байгаад арьс хуурай болоод тэгээд биеийн температур өсдгийг дулааны цохилт буюу наршилт нэрлэдэг.

Бие махбод хэт халуунаас хөлрөх замаар бид нарын бие махбод хамгаалж байдаг. Гэтэл хэт хөлөрсөөр байгаад бие махбодоосоо давс болон шингэнээ их алдсанаас болоод энэ дулаан зохицуулалт алдагдаж ирэхээрээ наршилт үүсдэг.

Наршилтад хэн өртөмтгий байдаг вэ?

• Бага насны хүүхдүүд, өндөр настай хүмүүс, мөн архаг хууч өвчтэй артерийн даралт ихэсдэг бусад өвчтэй хүмүүс байдаг.
• Нярай болон бага насны хүүхэд, зарим эмийн бодис хэрэглэж байгаа хүмүүс байдаг.

Наршилт болсон тохиолдолд ямар шинж тэмдэг илэрдэг вэ?

• Арьс халуун хуурай болох,
• Ухаан балартах, таталт өгөх,
• Ухаан алдах,
• Зүрх дэлсэх, бие сулрах, толгой эргэх, дотор эвгүй болох,
• Хөлс гарах нь багасах,
• Анхаарал төвлөрөхгүй байх,
• Биеийн халуун бага зэрэг нэмэгдэх зэрэг шинж тэмдгүүд илэрнэ.

Бага насны хүүхэд болон насанд хүрэгсдийн наршилтын сонгомол 3 шинж тэмдэг:

• Танай хүүхэд халуун нэмэгдээд 40 хэм хүрэх,
• Мэдрэлийн хямрал буюу идэвхгүй болох
• Арьс нь халуун хуурай байх юм бол та манай хүүхэд наршчихсан юм байна гэдгийг хамгийн эхний ээлжинд мэдэх ёстой.

Хүүхдийн наршихаас хэрхэн сэргийлэх вэ?

• Хүүхдийг машин дотор түгжиж явахгүй байх
• Хэт халуунд олон давхар хуцвас өмгсөж зузаалахгүй байх
• Малгайг нь норгож аль болох сүүдэр газраар дагуулан явах
• Халууны оргил үед гадаа гаргаж тоглуулахгүй байх хэрэгтэй.

Наршилт болсон үед ямар арга хэмжээ авах вэ?

• Хэрвээ ухаантай бол сэрүүн газарт оруулж хувцсыг нь тайлж хэвтүүлнэ
• Биеийн халуун бууруулах арга хэмээ авна
• Дасвтай өтгөн цай бага багаар уулгана
• Амьсгалын байдлыг ажиглаж саад байгаа эсэхийг мэдэх амьсгалын замыг чөлөөлөх
• Хөлийг нь өндөрлөж нойтон алчуур толгойд нь тавиад хувцсыг нь тайлж суга, шанаа, цавь, тахим, дагз зэрэг том судас явдаг газруудад хүйтэн жин тавьж ойр ойрхон солих арга хэмээг авна.

Эцэг, эхчүүдийн гаргадаг нийтлэг алдаа бол хүүхдээ машинд цоожилж орхисноор хүүхэд наршиж зүрх зогсох эрсдэлтэй байдаг. Зуны аагим халуун өдрүүд үргэлжилж байна. Тиймээс эдгээр өдрүүдэд анхаарал болгоомжтой байж, хүүхдээ машиндаа цоожилж, үлдэхгүй байхыг анхааруулж байна.