12 сарын 06-ны өглөөний 11.00 цаг гэхэд Ерөнхий сайд Л. Оюун-Эрдэнэ үүсээд байгаа нөхцөл байдалтай холбогдуулан мэдээлэл хийсэн нь олны анхааралд багтсан ч дорвитой шийдэлд хүрч, нүүрсний хулгайн асуудалд хэн хэн хэрхэн нэр холбогдж, ямар хэмжээний хохирол учруулсан зэргийг тодорхой зарлаж чадахгүй Ерөнхий сайд ажлаа тайлагнаж, яг л огцорох гэж байгаа юм шиг хамаг юм аа тоочиж байгаад л гэнэтхэн ерөөсөө тогтолцооны өөрчлөлт хиймээр байна...хүчтэй Ерөнхий сайдын засаглалд шилжих эсэхийг ард түмнээс асуух нь зүйтэй... Гэхчлэн тууштай, бодит, энгийн ойлголтод хүрч болох гүйцэтгэх засаглалын тэргүүний хэмжээний байр суурь илэрхийлж хараахан чадсангүй. Жагсагчдын нүүрсчид санхүүжүүлсэн гэх зэрэгээр мэдээллэж, нүүрсний хулгайтай тэмцэж байгааг нь зогсоож мохоох гэж байгаа оролдлого хэмээн тайлбарлав.

Гэтэл Ерөнхий сайдыг мэдэгдэл хийхээс өмнөхөн өглөөгүүр “Ерөнхийлөгч УИХ, ЗГ-ыг огцоруулах санал гаргалаа” гэж бараг бүх сайтуудаар мэдээлсэн ч Л. Оюун-Эрдэнэ Ерөнхий сайд үүнийг үгүйсгэж тогтолцооны өөрчлөлт хийх талаар л ҮАБЗ зөвшилцсөн тухай ярьлаа. Гэтэл Ерөнхийлөгч У.Хүрэлсүх энэ талаар өөрийн байр сууриа огт илэрхийлээгүй нь анхаарал татаж байгаа юм. Хэн нэгэн Ерөнхийлөгчийн нэр хүндийг ашиглан худал мэдээлэл тараасан бол тэр тухай мэдээллэхгүй өнгөрөх ёсгүй. Харин үе үе аливаа шийдвэр гарахын өмнө нийгмийн сүлжээний хандлагыг тандах зорилгоор бор шувуу нисгэж үзээд буцаагаад татчихдаг.

Энэ бүх ээдрээт асуудлаас болж ард түмний толгой тархи, ойлголт хандлага хэд хэд эргэж ч мэдэхээр. Учир нь эрх баригч нам үнэмлэхүй эрх мэдэлтэй хэр нь төрийн гурван өндөрлөгийн хоёр нь ийм алд дэлэм зөрүүтэй нөхцөл үүсгэсэн нь ард түмний төдийгүй гадаадын ажиглагчдыг гайхан эргэлзэхэд хүргээ болов уу.

Харин нүүрсний хулгай илрүүлж харицлага тооцох дээр бүгд нэгдмэл санаа зорилготой байгаа үед Ерөнхий сайд далийлгаж тогтолцооны шинэчлэлийг ярьсаар бараг хамаг цагаа барсан нь эргээд нийгэмд олон маргаан хардлага дагуулж байна. Жишээлхэд Ерөнхий сайд Д. Бямбасүрэн гуайн охин Энхбайгаль:

Засгийн газар буруугүй, авилгачид буруугүй, авилгын сүлжээ буруугүй, тогтолцоо буруутай гэдэг араа руугаа орж байна даа. Ийм нөхцөлд УИХ-ын гишүүдийн тоог нэмээд юу ч өөрчлөгдөхгүй.

Хариуцлагаас бултах л арга

Урд хөрш нүүрсний хулгайтай тэмцэхэд чинь туслая, албан бичгээ өгчих гэлээ. Манай засаг болохоор Үндсэн хууль буруутай гээд байх юм даа. Авилгатай тэмцэх нь Үндсэн хууль өөрчлөхгүйгээр дотроо шийдэх асуудал.

Нүүрсний хулгайчиддаа хариуцлагаа тооц

Үндсэн хууль буруугүй

Нүүрс хулгайлсан нь авилгачид болохоос Үндсэн хууль биш гэжээ.

Харин Defacto нэрээр алдаршсан эдийн засагч Д. Жаргалсайхан:

Авлигалчид нүүрсний хулгайд холбогдсон бүх олигархиуд нэгдэж төрийн хямрал руу түлхэж улмаар цаг хожих, аргасаам хийх оролдлого ажиглагдаж байгааг хэлээд эдийн засгийн дорвитой арга хэмжээгээ түргэвчилж, асуудлаа нэг мөр шийдэж байж дараа нь төр засаг огцордог байх хэрэгтэйг санууллаа.