Тавантолгой-Гашуунсухайт чиглэлийн төмөр замыг ямар компаниар бариулахыг нээлттэй тендерээр шалгаруулан Бодь групп шалгарч ЗГ-ын тогтоолоор төмөр зам барьсан байдаг. Гэтэл энийг Х. Баттулга гэдэг мангас л ганцаараа хийгээд тэндээсээ баахан хулгай хийсэн юм шиг утга учиргүй гүтгэлэг тараах нь хэнд улс төрийн ашиг хонжоо авч ирэх вэ?

Ер нь хөгжлийг гацаах, алдагдсан боломж гэдгийг чухам хэний дураар хаанаас гаргаж ирсэн нэр томъёо болохыг аль нэг явцуу улс төрийн муйхар хэлбэр шиг шууд нэр заан бичих нь ёс зүйгүй. Иймд ҮАБЗ-ийн шийдвэрээр нууцад авсан гэх гэрээний тухай логик гаргалгаа хийвэл

1. ҮАБЗ-ийн тухай хуулийн 3 дугаар зүйлийн 1 Зөвлөл үйл ажиллагаандаа хууль дээдлэх, улс үндэснийхээ язгуур эрх ашгийг эрхэмлэн хамгаалах, эрх хэмжээнийхээ асуудлыг хамтран хэлэлцэж санал нэгтэйгээр шийдвэрлэх зарчмыг баримтална... гэжээ.

Хуульд зааснаар ҮАБЗ санал нэгтэй баталсан шийдвэр нь анхнаасаа хувь улс төрчийн эрх ашиг гүйцэлдэх хэмжээнд байж боломгүй зорилго утга агуулгыг илэрхийлэн зөвхөн хуульд захирагдаж байж л Үндэсний аюулгүй байдлын тухай хамтын зарчим баримталахыг заасан байна. Гэтэл Х. Баттулгыг Ерөнхийлөгч, ҮАБЗ-ийн тэргүүн байсан гэдэг утгаар нь хувийн шуналдаа хөтлөгдсөн гэж шууд дүгнэх нь дэндүү өрөөсгөл хэвгий үзэгдэл болж таарах нь. Хэрвээ ҮАБЗ хууль бус алдаатай шийдвэр гаргасан юм бол үүнд ганцхан Х. Баттулга ч бус тухайн үеийн Ерөнхий сайд, УИХ-ын дарга нар ч хариуцлагад татагдахгүй гэж үү?

2. Үндэсний нэгдмэл ашиг сонирхлыг хангах үүднээс ҮАБЗ хамтын шийдвэр гаргачхаад эргээд Монгол Улсын Ерөнхийлөгчөөр ажиллаж байсан хүнийг улс төрийн өнцөгөөр нийгэмд гүтгэх харлуулах зохион байгуулалттай үйл ажиллагааг зориуд явуулж байгаа бол нь Монгол Улсын тусгаар тогтнол, аюулгүй байдалд ч нөлөөлж мэдэх гадны явуулга байж болох талтайг зарим ажиглагчид хэлжээ.

Мөн хуулийн 3 дугаар зүйлийн 4 дэх хэсэгт Зөвлөл ажлаа УИХ-ын өмнө хариуцана. Гэжээ.

3. Төрийн нэгдмэл бодлого, улс, үндэстний аюулгүй байдлыг хамгаалж төрийн гурван өндөрлөг санал нэгтэйгээр баталсан улс орны стратегийн салбар, тэр дундаа уул уурхайтай холбоотой асуудлаар шийдвэрээ гаргаж үр дүнд нь Монгол улс нийтээрээ баян чинээлэг амьдарах санал санаачлагыг бүрэн дэмжээд зогсохгүй хамтран ажилласан нь түүх болж сайн жишиг гэгдэн үлдсэн. Тухайн үед ард түмэн төр засаг одоо л эв нэгдэлтэйгээр үндэстнийхээ төлөө чухал өөрчлөлт шинэчлэлт, хөгжил цэцэглэлтийн замд орцгоох гарцыг нээж байна уу гэж харсан. Гэтэл нүүрсний асар их үнийн дүнтэй гэмт хэрэгт сөрөг хүчнийхээ ганц хоёр гишүүн, Ерөнхийлөгч асны нэрийг хууль шүүхээр эцэслэн тогтоогдоогүй байхад шууд нэр заан хамаг буруугаа тохож сиймхийгээр нь эрх баригч намаас ганц ч хүн оролцоогүй юм шиг гүлдийцгээх нь ард түмний эгдүүцэл, зэвүүцэлд улам эрч нэмж буй хэрэг.