Ардчилсан нам өнөөдөр /2022.12.13/ Нийгэм, Улс төрийн орчинд үүсээд байгаа нөхцөл байдалтай холбогдуулан “Шуурхай” хурал зарлалаа. Тодруулбал, АН-ын ерөнхий нарийн бичгийн дарга И.Мөнхжаргал, Залуучууд, хүний хөгжил хариуцсан нарийн бичгийн даргаар Б.Энхжин нар мэдээлэл хийв.

Тодруулбал, З.Дашдаваа та АТГ-ыг оршууллаа. Нүүрсний хамгийн том хулгайч Сү.Батболд, Ч.Хүрэлбаатар, П.Анужин нарын хулгайчдын нэрс яасан бэ?

АТГ-аас "Нүүрсний хулгай"-н хэрэгт шууд болон шууд бусаар холбогдсон хэмээн 17 албан тушаалтны нэрийг зарласан. Уг асуудалтай холбогдуулан Ардчилсан намаас байр сууриа илэрхийлж, мэдээлэл хийлээ.

АН-ын ЕНБД И.Мөнхжаргал:

-АТГ-ын дарга З.Дашдаваа танд гүн эмгэнэл илэрхийлье. Та АТГ-ыг оршуулж байна. Та коммунист намын зэвсэг болж хувирлаа. Та бүгд нүүрсний хулгайч гэх 17 хүний нэрийг зарласныг хараад Л.Оюун-Эрдэнэ, Х.Нямбаатар нарт ч эмгэнэл илэрхийлье. Та нар ах нарынхаа шантаажнаас гараагүй, ах нарынхаа дохио зангаанаас гарч чадаагүй, памперснаасаа гарч чадаагүй пацаанууд гэдгийг чинь олж харлаа.

Яагаад 2016 оноос хойш гудамжинд байгаа АН нүүрсний чинь хулгайч болчихов?

Харин түүний оронд дэлхийд багтахгүй хөрөнгөтэй, гадаадад тэрбум тэрбумаар нь объект худалдаж авч байгаа Сү.Батболд чинь хаана байна? Ард түмнйи өмч болсон "Хотгор шанага"-ын уурхайг зарж идсэн Ч.Хүрэлбаатар чинь хаана байна? Гэмгүй царайлж, нүүрээ нуусан П.Анужин чинь хаана байна аа? АН-д ирж байгаа мэдээллүүд байна.

Бид хүмүүсийн нэрсийг зарлахаасаа илүү та бүхнийг хулгайчдынхаа нэрсийг зарлаж, тэмцэж байгаа залуусын хүсэл зоригийг биелүүлнэ гэж харж, хүлээж байсан юм. АН өнөөдрийг хүртэл жагсаал цуглаанд оролцохгүй, харин хүний эрхийн зөрчил гаргахгүй байх тал дээр нь анхаарч, ХЭҮК, ЦЕГ, хууль хүчний байгууллагуудад тодорхой шаардлагуудыг хүргүүлж, анхаарч ажиллалаа.

Гэтэл өнөөдөр эрх баригч нам 2016 оноос хойш эрх мэдэлгүй байгаа АН болон өөрсдийнхөө гар хөл болсон хэдэн ААН-үүдийн захиралуудыг "нүүрсний хулгайч" гэж зарлаж байгаа бол уучлаарай!

Өнөөдөр УИХ-ын танхимд байгаа гишүүдийн чинь талаас илүү хувь нь хулгайч шүү гэдэг мэдээллийг бидэнд ирүүлж байна. Хулгайчид нь төрийн өмч, ард түмний баялагийг хэдэн тэрбумаар идсэн бол хэн ч эвлэрэхгүй. Гэхдээ хулгайч нар өөрсдөө хэн нэгнийг хэлмэгдүүлж, хулгайч гэж зарлаж байгаатай эвлэрэхгүй! гэсэн юм. Улмаар АН нүүрсний хулгайн эсрэг тэмцэж буй залуусын жагсаалд нэгдэхээ илэрхийллээ. Мөн өдөр бүр мэдээлэл хийж байх болно.