2022 оны 12 сарын 21-нд Засгийн газар нүүрсний хулгайтай холбоотой ерөнхий хяналтын сонсгол хийхээр зарласан ч төрийн ордон дотор гаднагүй иргэд бухимдаж байв. Учир нь нүүрсний асуудлыг нээлттэй хэлэлцэнэ гэсэн мөртлөө бүртгүүлсэн бүх иргэдийг оруулаагүй, орсон иргэдтэй УИХ-ын гишүүд, Засгийн газар шууд нүүр тулж уулзалгүй өөр өөр танхимаас дэлгэцээр уулзахаар болсон нь иргэдийг улам ч бухимдууллаа.

Гадаа хасах 20 хэмийн хүйтэнд хамаг хувцасаа тайчиж сонсголд оролцохыг хүссэн иргэдээ нэг ч албан тушаалтан гарч ирж сонссонгүй. Иргэд гадаа 2 цаг нүцгэн зогсоход эхнээсээ осгож байлаа. Гэтэл цагдаа нар олноор ирж нүцгэлсэн иргэдийг хүчээр эмнэлгийн тусламж үзүүлэхээр авч явав.

Хууль зүйн сайд Х. Нямбаатар жагсагчдын тавьж буй шаардлагыг ойлгохгүй болсон учир нь төр засаг иргэддээ дүлийдээ найдаж унгарга гэгчээр хандаж үл тоох аж. Нийгмийн сонирхлуудыг илэрхийлдэг бүлэгүүд үгүйрч, улс төрийн сөрөг хүчин байхгүйтэй адил болохоор төр ийнхүү иргэдтэйгээ шууд нүүр тулж, самгардахад хүрч буй хэрэг бөгөөд нэгэнт бүх тогтолцоог шинээр дахин боловсруулахгүй бол болохгүй нь ээ.

13 цагийн үед нээлттэй сонсгол арай гэж төрийн ордны их танхимд эхэллээ. Гэтэл сонсголд оролцож буй иргэд сонсголд иргэдийг дахин нэмж оруулах, ажлын хэсгийн бүрэлдэхүүнд мөн иргэдийг дахин нэмэгдүүлэх, ҮАБЗ-ийн гишүүдийг хэлэлцүүлэгт оролцохыг, нүүрсний хэрэгт холбогдсон бүх улс төрч, нөлөө бүхий хүмүүсийг оруулахыг, сонсголд оролцож буй бүх иргэдэд үг хэлэх нээлттэй эрхийг олгохыг тус тус шаардсан нь иргэний нийгмийн харьцангуй эрүүл үзэгдэл боллоо.

Мөн бүхнийг хэлбэрдэлт, хийрхэлд автуулж өөрсдөд нь таалагдсан хурал хуйд ороод сурчихсан эрх баригчдын хувьд эл үзэгдэл улам л тэвдэх үндэс болно.

Энэ бүхнээс гадна хамгийн хурцаар тавигдах нэг асуудал нь Монгол улсын гадаад дахь нэр хүнд Хэрвээ төр ийм хүний эрхийн мэдрэмжгүй хөшүүн хойрго байдал гаргаж бүхнийг цагдаагаар шийдүүлсээр байх жишиг тогтоох вий гэсэн айдас. Хэдий нүүрсний экспортын хэмжээ 9,5 хувиар нэмэгдээд байгаа ч нүүрсний хулгай дахиж огт гарахгүй гэх баталгаа хаана байгаа вэ? Гэх мэт асуултууд ар араасаа урган гарсаар байна.