Энэ удаагийн нүүрсний дуулиан иргэдийн ухамсарт гүн нөлөөлжээ. Эрх баригчдын хардагчлан сонгуулиар хэдэн төгрөг аваад бусад үед хашаатай мал шиг таг дуугүй суудаг ард түмэн биш болж. Монголчууд угаасаа тэмцэгч цуцашгүй чанартай учраас өвлийн хүйтэнд ч ер ажрахгүй тэмцсээр. Иргэдээ энд тэндээс захиалгатай, тэрний хүн, энэний хүн гэж байхаар төр нь төр шиг л ажилламаар байна. Арай ч иргэдтэйгээ улс төрийн өнцөгөөр үзэлцэхгүй байлгүй дээ гэсэн итгэл найдвар талаар болсоор.

Бүгдийг улс төрийн үзэл суртал болгож хараад сурчихсан МАН-ын дотоод характерт нь сахилгажуулах, саармагжуулах, дэг журамжуулах л хүсэл оргилсоор байдаг бололтой.

Иргэд, төр засгийн хооронд ядаж УИХ-ын түвшинд ухаалаг хэлэлцээрийн харилцаа үүсч чадахгүй байгаа гол шалтгаан бол ердөө л манай эрх баригчдын арга барил хэтэрхий хуучинсагт бий. УИХ-ын дарга Г.Занданшатарын тарни мэт чээжилсэн “зөвлөлдөх ардчилал” -ын ойлголтыг яг ийм үед л маш хурдан хэрэгжүүлж ямар гарц, үр дүн хүлээгдэхийг цөмөөрөө нэг зүгт хандан хэлэлцэж чадвал хохирол бага л амсах бололтой.

Засгийн газар улс төржилтийг танхимаасаа холдуулаад жинхэнэ засгийн журам баримтлан хууль хяналтынхан ч шударга ажиллаж чадвал нүүрсний том хулгарууд ч илэрэхэд ойрхон байна. Иргэдийн дэмжлэг ч тун сайн байгаа шүү. Засгийн газарт уйлагнах эрх үлдээгүй. Та нарт хандаж хэлэхэд, жинхэнэ нүүрсчдээ ордон дотроос хай.

Нүүрс тээвэрлэдэг хэдэн жолооч ямар ч гэмгүй. Та нар тэр оффтейк гэрээгээ ил болго гэе. Мөн ЭТТ-н хувьцааны 2 сая 500 мянган иргэн 20% хувьцааны эзэн, 80 % нь төрийн өмч. 80% хувийг ард түмний өмч болго гэдгийг ажил болго.

Та бүхний нуугаад байгаа Оффтейк гэрээнүүд 2018-2022 онуудад хийгдсэн байна . Энэ үе нь У.Хүрэлсүх Л.Оюун-Эрдэнийн Засгийн газрын үеийн гэрээ гэсэн үг. Ил гэрээг харвал хэн ч юу ч олохгүй. Харин нууц гэрээг ил болговол жинхэнэ хулгай ил болно.Нууц гэрээг ил болгохыг Монголын ард түмэн шаардаж байна!