Монголын ард түмэн сүмэн сүүлийн сар шахам хугацаанд нүүрсний хулгайг ахиж үл давтагдахгүй байх, жинхэнэ хулгайч нар хариуцлага хүлээх зэрэг дээр маш сайн тэмцэл дургүйцэл илэрхийлэв. Игэдийн үзэж буйгаар хэдэн нэрс зарласан дүр үзүүлээд нүүрсний хэргийг өдүүлэсэн этгээдүүд нуугдаж үлдэх санаархалтай юу?

Иргэдийн үзэж буйгаар сүүлийн 7 жил үнэмлэхүй олуулаа засаглаж байгаа эрх баригч МАН-ыхан цэвэр ариуны дүрд тоглож байгаа нь шударга бус эрээ цээргүй хэрэг төдийгүй ард түмнийг дорд үзсэн үйлдэл гэж харж байгаа юм.

Учир нь зарлагдсан хэмжээний нүүрсний хулгайг эрх мэдэл албан тушаалын асар их хана хэрэм бүхий тэднээс өөр үйлдэж чадах нь хэн сэн билээ. Ингэж хардах хэд хэдэн үндэслэл байна.
1. Нүүрсний хулгайд холбогдож нэр нь зарлагдсан хүмүүс улс төрийн золиос төдийгөөс харин жинхэнэ нүүрсний магнатууд хараахан биш гэдгийг сүүлийн үеийн үйл явдлууд харуулж байна. Хэрвээ тэд л нүүрсийг машин машинаар нь тээвэрлээд хулгайлаад орлогоо нууж дараад байсан юм бол шалгаж мухарлаад шийдвэрлэх хангалттай нөхцөл боломж төрд байлаа.
2. АТГ-ын болон хууль хяналтын байгууллага, сайд нарын мэдээллэж буйгаар 9 оффтэйк гэрээний 7 нь л ил болсон гэх. Үлдсэн хоёр гэрээний ард хэн байгаа болоод тас нууж ил болгохгүй улсын нууцад үлдээв? Төрд нуух эрх байдаг, бусдыг хулгайд нэр заах эрх байдаг юм бол ард түмэнд асуудлын үнэн мөнийг мэдэх, хардах эрх Үндсэн хуулиар олгогдсон байдаг билээ.
3. Хэрвээ нүүрсний гэх хэргийг яг одоогийн нөхцөл байдалд хадгалан үлдээж замхаруулах гэж байгаа бол хэтэрхий өрөөсгөл ба нүүрсний ашиг сонирхолтой олон УИХ-йн гишүүд шударга бусын бохир хөнжил доогуур улс төрийн наймаагаа хийж байгаад ч хамаагүй үлдэх, шударга ёс ус агаар шиг хэрэгтэй монголын нийгэм мөхөл рүү гулсах эрсдэл бодитоор бий болох юм.