Монгол Улсын хилийн зурвас газрыг тогтоож, улсын тусгай хэрэгцээнд авах тогтоол батлагдаад буй. Улсын тусгай хэрэгцээнд авсан газарт үйл ажиллагаа явуулах эсэх талаар мэдээлэл өгөв.

Энэ талаар Барилга, хот байгуулалтын яамны Төрийн нарийн бичгийн дарга С.Магнайсүрэн "Ашигт малтмалтай холбоотой асуудлаар 2018 онд ажлын хэсэг байгуулагдаж, гурван жил орчим тойрч ажилласан. Хилийн 10 гаруй зурвас хамаарч байгаа аймгуудын ИТХ хэлэлцээд дэмжин баталсан. Хилийн дэглэмээ хатуу баримтлаад үйлдвэрлэл, үйлчилгээ эрхлэх нь нээлттэй хэвээр үлдэж байгаа.Барилга байгууламж барихад Засгийн газар, бусад зөвшөөрөл авах шаардлагагүй хэсгүүдэд Хил хамгаалах ерөнхий газарт бүртгүүлээд үйл ажиллагаа эрхэлнэ. 2017 онд Хилийн тухай хуулийг баталж, хилийн зурвасыг 15 км байна гэж заасан. Хилийн шугамаас дотогш 15км газарт хилийн дэглэм үйлчлэх зурвас газрын улсын хамгаалалтад авч байгаа юм. Энэ зурвас газарт газар өмчлүүлэхгүй, эзэмшүүлэхгүй.Тодорхой зөвшөөрөл шаардлагыг хангаж байж ашиглаж болох эрх зүйн орчин бүрдэж байна" гэв.

Эх сурвалж:www.polit.mn