БНХАУ авлигатай хатуу тэмцдэгээрээ сүүлийн үед дэлхийд жишиг тогтоох нь уу. Хэдий төрийн тогтолцооны хувьд дарангуйллын хэлбэртэйгээс авлигачдаа шууд цаазаар авдаг нь дэндүү харгис гэгддэг ч улс төрийн бохир бээрийг тэгэж шахахаас өөр аргагүй гэсэн байр суурь ч бий. Хятад улс өнгөрсөн 20 гаран жилийн хугацааны улс төрийн үйл явдлыг дүгнэн авч үзээд бохир улс төрчид, авлигалын торыг үндсээр нь тасдаж хаях арга хэмжээ авж байна. Харин Монголын хувьд цагаан захтнуудын гэмт хэргийг өөхшүүлдэг, өршөөдөг өрнөл дээрээ тогтож байна. Гэвч алсдаа эрх зүйн шинэчлэлээр ч юм уу эрс өөрчлөлтөөр юм уу ямар нэг байдлаар МАН, АН-д шургалсан гэмт хэргийн бүлэглэлийн нэгдмэл байдлыг сууриар нь байхгүй болгож, хариуцлагын цоо шинэ систем нэвтрүүлэх нэн түрүүний шаардлага тулгараад буй юм.

Бид баялагтай, барагдашгүй баян гээд авлигалтай дасан зохицох ойлголт аль ч нийгэмд байж болдоггүй. Учир нь эрх мэдэл, албан тушаалын шунал бол хүний ухамсар, ёс зүйтэй холбоотой урхаг доройтол.

Өнөөдөр манайд шинээр эмхлэгдсэн УИХ ч, шинээр бүрэлдсэнЗасгийн газар ч, түүний удирдлага тэргүүнүүд юу гэж боддог вэгэхээр “Эдийн засаг, эдийн засаг, эдийн засгаа л босгоно” гэдэг. Гэтэл үгүй шүү дээ. Ерөөсөө л хүнийхээ ёс суртахууныгариусгаж бид хөгжил дэвшлийн замд орно. Үнэнийг хэлэхэд, өнөөдөр монголчууд бид бие биенээ тойрч хулхидаж, бие биеэзалилж мэхэлсээр байгаад дуусах дөхөж байна... хэмээнакадемич С. Нарангэрэл гуай ярьсанаас үзвэл ёс суртахууны доройтолоос хэрхэн гарч болдог туршлагыг бид углуургаар нь судлан авч үзэж хэрэгжүүлэхгүйгээр “баялгийн хараал” гэж нэрлэгдсэн хий хоосон зовлон шаналалаасаа түргэн гарч чадахгүй бололтой.

МАН, АН хоёулаа монголын төрийг ээлжлэн барьж ирсэн ч хэдхэн улс төрчдийн ээлжилсэн тоглолтоор гажуудлын зам руу гулгаж орсоныг өнгөрсөн он жилүүд бэлхэн харуулж байна. Монголчууд дэлхийн бодлогыг тодорхойлж явсан цараа ихтэй ард түмний хувьд тусгаар тогтнол бүрэн эрхт байдлаа хамгаалан авч үлдэхийн тулд аль түвшиндээ ухамсартай, төлөвшсөн нийгмийг үнэт зүйлээ хэмээн ойлгох цаг болжээ.

Гуч гаруйхан жилийнхээ алдаа оноог нэг бүрчлэн дүгнэж, хэлэлцэж чадах бүрэн бололцоо бидэнд бий.